掀開2017中置引擎911 RSR神秘面紗

想知更多就睇落去啦！

保時捷高度機密2017年中置引擎新車－911RSR GT係佛羅里達Sebring 3.7英里賽道中測試。而家我地就有機會睇下911RSR係前機場跑道上既英姿，同上一代911再會道別。原有911既車尾窗係RSR改變成空氣進入設計板塊。

將Flat-6六汽缸引擎由後置改成中置，騰出更多空間。因此RSR引擎室可以容納獨立排氣管，使用新排氣系統意味放棄使用舊有氣喉－2014-2016車款所用既車尾中央組合死氣喉。

中置引擎構造右上新死氣喉設計，令RSR可以配備更「兇猛」既擴散器。以前既911因為後置引擎佔用空間較多，只能夠安裝較細較淺既擴散器。而家因為引擎推前更接近司機，因此可以安裝更大更深擴散器，以係入彎時令RSR車身得到更大下壓力，較細角度既定風翼都提供到足夠下壓力穩定身車。

911RSR既詳細數據依然係保時捷既高度機密，而將傳統後置引擎設計更換成中置既決定一樣保持神秘，拒絕公開。綜合RSR同傳統911既相異之處，我地估計911 RSR係公開量產時唔會使用「911」之名。唔講咁多，以下既片段就有RSR試車情況，由Sebring當地人同愛車之人、賽車愛好者所提供。Click落去睇下未來既保時捷究竟咩樣啦！