最新2017 富士BRZ

引擎、底盤、內籠都有所改善

BRZ同孖生兄弟豐田GT86一樣，岩岩公佈左對2017 BRZ新車作小量調整。

富士指新調整包涵全架車所有部份，包括外觀設計、車箱內籠、動力總成、懸吊系統及安全系統。雖然講左咁多新既設計，但始終都係facelift，未必一眼就睇得出。

2017 BRZ既新泵把比舊既更闊，改善空氣動力；但更吸引到人注意既，相信都係全新LED車頭燈。

除左車頭燈，車尾燈都有更優良既全新設計，比起舊款更有時代感。2017 BRZ仲有新設計定風翼（好可惜外觀強差人意，更甚可以話係冇品味啊！）及配備10幅式合金鈴。

2017 BRZ依然會沿用舊有既2L 4汽缸 boxer引擎，著名既boxer引擎當然由富士所造，而燃料直噴系統則由豐田所製。富士指新引擎既缸體更強更耐用、凸輪軸磨擦減少、搖臂更輕及使用改善汽門系統。

雖然引擎比舊款有所改善，但富士依然未公佈馬力數據－相反，豐田就公佈左新GT86由197bhp提升到202bhp。以GT86黎分析BRZ既馬力，相信都會係大同小異，但可以肯定BRZ耗油量會較低，而且引擎反應更加迅速。

新BRZ裝有更大功率既減震器、減低車身傾斜、以及更舒適既車箱，令入彎表現（少有既BRZ與GT86不同之處）更有所提升。新既track mode可對汽車穩定作出更多調節，同改變油門響應曲線。

最顯著既改變都要打開車門，走入車箱先能夠發現到－全新真皮座椅、新設計充滿按鈕既軚盤、高品質車箱裝潢、同埋4.2吋多功能螢幕。仲有－臃腫得充滿按鈕既軚盤底下仲有新既air bag。

富士尚未公佈2017 BRZ既售價。但反觀而家BRZ售價與富豪 SE相近，估計新BRZ售價將會同SE Lux相近。基本2017 BRZ車款為棍波，但如果你想要自動波既話，都一樣可以提供到比你。

Photos: Subaru

想關注更多關於車既消息留意住 News & Reviews! 

想睇更多關於車既嘢？立即讚好我地 Facebook Page 同 follow 我地既 Instagram