萬士達RX-7 FD - 轉子引擎佼佼者


第三世代既萬士達RX-7曾經係90年代最有型既雙門跑車。到今時今日,佢仲保持到獨特型格呢?

早係1993年時,我首次駕駛第三世代既萬士達RX-7 FD。90年代時RX-7既出現引起一陣轟動,四圍都充滿噪音-聲音唔係來自轉速限制器,而係一眾車迷既討論聲!就算唔係日本車既車迷,都會被佢妖豔既外型、優秀既性能所吸引。

係前至中90年代絕義係日本車既鼎盛時期:除左RX-7,仲有一眾日本車例如A80雙渦輪增壓豐田Supra、日產300ZX、本田NSX。另外,90年代都係前置引擎RWD跑車既黃金時代,同期仲有:寶馬E36 M3、保時捷968,絕對係價錢合理且性能優異既例子。

01-mazda-rx7-icon

如你所料,RX-7構造非常獨特-使用雙渦輪增壓13B-REW轉子引擎。引擎配備雙轉子室,各排量為654cc。而RX-7既引擎為2.6L,因為其細及輕量優點可以容易安裝係前軸、係底盤較低位置,使RX-7重量能達到50:50分佈及低重心。

RX-7為第一速轉子引擎車加配渦輪增壓功能。轉數達2000轉時,第一個渦輪就會開始增壓,之後排放既空氣就會帶動第二個渦輪。因應引擎既大細、渦輪構造以減低渦輪遲滯時間,再配合電子控制增壓壓力系統,非常成功減低遲滯時間。

日版RX-7為255bhp,歐洲版則為236bhp(於6500轉時)、218磅扭力(5000轉時)。就馬力同扭力而言,同4缸保時捷968性能相近,但比6缸M3、Supra及300ZX稍弱。但無容置疑,只有1284kg既RX-7絕對係一部吸引車迷既快車,0-60mph都只需要5.4秒,極速為156mph(係90年代黎講已經好快!)。

RX-7在路面上唔算係常見既車,特別係未經改裝既RX-7更加罕見。(點解咁多RX-7都比人拎去改裝?睇下狂野時速你就會明。)

003-mazda-rx7-icon

90年代時既車都比較細,RX-7都一樣-車輪只有16吋大、配合225/50車胎。但RX-7既獨特、大膽既外觀設計(由萬士達美國設計分部既成品改良而成)令佢非常搶眼,到今時今日仲非常好睇,並未受時間洪流所沖走。

RX-7既設計前無古「車」、後無來「車」。一條過既巨型煙薰暗紅色車尾燈非常獨特、充滿時代感;而反出黎既車頭燈亦富有90年代懷舊感。懷舊反燈配合時尚既曲線,令RX-7低又扁既車頭增添色彩,種種獨特設計令RX-7成為今日既經典日本跑車。

004-mazda-rx7-icon

005-mazda-rx7-icon

006-mazda-rx7-icon

007-mazda-rx7-icon

Photos:Dave Smith

想關注更多關於車既消息留意住 News & Reviews

想睇更多關於車既嘢?立即讚好我地 Facebook Page 同 follow 我地既 Instagram