Italdesign Automobili Speciali新車於日內瓦車展前隆重登場


Italdesign既子品牌將會係今年既日內瓦車展展出旗下V10超級跑車。

位於意大利都靈既Italdesign公布旗下超級跑車製作部門,以及首部將會係日內瓦車展登出場既跑車。

Italdesign既首部跑車尚未命名,而Italdesign則指該車專為「有遠見既收藏家」而設,跑車具備賽車性能及街車實用性。但有幾多個買家會將超跑當腳車黎駕駛呢?

今年年底前,Italdesign將會製造5部超跑,每部都使用碳纖維及鋁製底盤及碳纖維車身。

超跑5.2L V10引擎由奧迪所造,0-62mph只需3.2秒、極速超過200mph。如此超卓性能有賴優秀既設計及工程部門所研製,亦確保該車達到最佳空氣力學。

Italdesign超跑設計與同樣來自意大利既林寶堅尼既新車都有幾分相似,外型設計融合順滑既豪華GT跑車及科幻兇既超級跑車而成。

Italdesign首部超跑除左為呢間新公司打響頭炮,更代表Coach-built跑車既復興。因為越來越多擁有高技術既新跑車製造公司出現,令曾盛極一時既Coach-built風氣再現,將會掀起一陣龍爭虎鬥!

更多資料將會係2017日內瓦車展上公布。價錢雖然尚未公開,但相信都會係「限量版收藏車」既價位。

Photos: Italdesign

想關注更多關於車既消息留意住 News & Reviews

想睇更多關於車既嘢?立即讚好我地 Facebook Page 同 follow 我地既 Instagram