VW Golf GTI Clubsport－最強GTI

Golf GTI Clubsport比所有Golf都要大馬力，配合新底盤設置同power boost，令佢成為最引人入勝且最快既Golf GTI。

呢部咩黎架？

佢係現時為止最快，最兇猛既Golf GTI！為左慶祝Golf 40週年，標準2016 Clubsport Edition 40 配置所有最佳性能包、改良底盤、power boost增加馬力。雖然未去到Clubsport S既瘋狂程度（挑戰Nurburgring既Golf GTI猛將），但外觀、空氣力學配件兩者都一樣。

Clubsport 定位係基本Golf GTI同四輪驅動既Golf R中間－售價與性能皆是。雖然Clubsport並非限量版，但2017就會facelift 推出Mk7新形號，過左2016年就唔會再出產啦。Clubsport 有3門或5門版本供顧客選擇。

引擎、波箱、0-60mph

Clubsport 使用經調整既2L 渦輪增壓 EA888引擎（基本GTI同R形號勻使用呢款引擎），VW指Clubsport 引擎轉數5350rpm至6600rmp間可以產生出261bhp－其中34bhp來自VW性能包。而係短時間既超增壓更可以提升馬力至286bhp。

渦輪增壓引擎（turbochargered）大家都唔會陌生，但power boost就冇咁常見啦。只需10秒，Clubsport就能使用power boost用盡286bhp（只係比最高級既Golf R少10bhp），之後就會慢慢下降至261bhp，但只需等多10秒就可以再使用powerboost提升至極限286bhp。

VW指Clubsport係一眾GTI車款中比較好玩，有趣。但面對Clubsport既成功，希望VW既工程師搵到方法令最貴既Golf R變得比Clubsport更好玩啦－真係要祝你地好運啦。

261bhp既車仔可以比你短時間提升馬力聽落非常有趣；但係換個角度－286bhp既HotHatch一定時間內就會減少25bhp，聽落就唔多好玩啦。據VW提供，Clubsport係1700rmp至5300rpm產生出258磅扭力，power boost時就能產出280磅扭力。

Clubsport配以6速手動波箱或6速DSG撥片波箱。原來為性能包所有既零件－電子控制機械限滑度差速器，而家係基本車款都裝有。

Golf GTI Clubsport 0-60mph只需5.9秒（據VW所講，兩款波箱時間勻為相同），極速為155mph。

技術特點

Clubsport既空氣力學零件雖小，但非常實用－包括新泵把、定風翼、車尾難以察覺到既擾流器（仲可以提供下壓力）。VW未有對外界公報空氣力學組件詳細數據，只話比大家聽－前軸下壓力較小；後軸則有較大下壓力。

更重要、成功既要點－有足夠既下壓力，而且唔會產出上升力！反觀Clubsport既外形、過去呢項成果絕對令人鼓舞。Clubsport既下壓力係60mph時就能夠加強穩定後軸。因為呢個成果令工程師可以對底盤作出更進取既設定。

車身傾斜剛度推向更後，令後軸更靈巧且前軸抓地力更強。另外，Clubsport調整後令oversteer比understeer多－有助適應賽道上及高速駕駛情況。

彈弓硬度加強約10％，配以合適既減震器。除此之外，車輪間闊度、外傾角、後傾角、煞車設定冇改變到。

基本形號配備18吋Bridgestone 輪軚。另外Extra選項可以選擇19吋米芝蓮Pilot Sport Cup 2輪軚，該輪軚同Renaultsport Megane 275 Trophy-R(或非R形號）、Seat Leon Cupra Sub 8 相同，可以肯定呢款車軚令Clubsport更活躍、靈巧。

可調節底盤控制系統－可以控制減震器轉換Sport或Comfort模式。

駕駛感覺

經過調整既底盤令駕駛Clubsport時好似跑車一樣，加硬左既彈弓設定（彈弓增加10％硬度，再配以調整後既減震器）感覺同基本車款相若，增強左既下壓力係駕駛途中都未有特別感覺到。但可以肯定，底盤平衡比以往做得更好。車輪間闊度、外傾角及後傾角都同GTI性能包所提供既一樣，另外可加錢選購自適應減震器。

基本GTI形號有轉向力不足既問題，但Clubsport表現就相當唔錯，後軸可調度更大令轉向度更佳，正因為咁令呢部車能夠更適應賽道。雖然Clubsport同Trophy-R比依然存在較大轉向不足問題，但VW依然將車身傾斜剛度推向更後，令後軸更靈巧且前軸抓地力更強，以解決問題。

GTI輪軚除左原本既18吋軚，仲可以加錢選擇米芝蓮Pilot Sport Cup 2軚（Mk7 Golf GTI 原廠形號配備Pirelli P Zero軚）。米芝蓮軚提供到更強抓地力－特別係前輪，入彎出彎時都令司機得心應手。但係應用左該輪軚既Trophy-R同Leon Cupra Sub8既抓地力同轉向力比GTI更強，GTI係呢方面就失左一分啦。

GTI引擎反應迅速、馬力十足，踩落油門引擎轉數輕易就提升到極限。另外，我地認為Split Power Output既重點就係－至少係賽車場上，當你踩落油門時，絕對唔會留意到究竟比左幾多馬力你。

來自GTI性能包既電子限制差速器，係好窄既彎位上都提供到非常高既抓地力，出彎速度更快。另外軚盤轉向輕鬆，清楚前輪抓地力又唔會過易操作－不失「不羈」既樂趣。

基本既煞車組件雖然不俗，但如果係賽車場上飛馳數圈後，就會令人感到稍為力有不逮。相反，可增選既跑車座椅就非常實用，足以係賽車場奔馳時依然令司機感到十分舒適。

調整後既底盤同Cup 2輪胎（需加錢選購）令成架車煥然一新，就算冇左呢條抓地力十足既輪胎，Clubsport依然係Golf中同Clubsport S齊名既最佳戰車。

渣開Golf GTI或Golf R既司機就話，Clubsport感覺平穩但同時亦感到細緻既改進－大約係Golf GTI同Golf R既中間點－日常道路表現出色，賽道表現亦不俗。車頭緊貼路面，後軸能夠輔助轉向，駕駛非常順暢。路面感覺更佳，特別轉彎時能感受到－車身側傾更少且成速車感覺更緊湊。雖然有棍波同DSG自動波選擇，但我建然大家都係選擇返傳統棍波－雖然Clubsport比市場上部份對手係反應上都未係最好既選擇，但如果只為雙離合器波箱就揀自動波未免有D可惜啦。

競爭對手

Hothatch掀背跑車而家四圍都係，例如上文曾提及既Renaultsport同Seat係賽道上雖然更勝一籌，但講到日常使用就冇一部能比得上VW既質素。

Honda Civic Type R雖然馬力更大，但價錢亦同時更貴；另外Ford Focus RS同Clubsport價錢相若，兩者都有四輪驅動系統。

當然，最大既對手緊係Clubsport S－Nurburrging上最快既hothatch、比Golf R馬力更大、比普通Golf GTI輕30kg、擁有更低限制既ESP系統。但好可惜，全數Clubsport S已經售磬！