2017日產GT-R Nismo突然成為了模範跑車?

曾經被認定為終極科技結晶，而家已成為老前輩。但呢樣並唔係壞事。

以下係我人生路中既轉捩點－發生係我駕駛去Gibisonville(俄亥俄洲)既路途上。就係2年前，我渣住2015 GT-R Nismo係沙漠中既公路上飛馳，強勁既波箱轉波聲配合渦輪增壓發出既尖叫聲－實在好比歌劇既美妙。呢部比正常coupe肥左少少既GTR抓地力驚人，無視微雨濕滑既路上快速奔馳。駕駛住佢令我感到血脈沸騰！

路程中令我慢慢愛上GTR，四條車軚仿如自已手腳咁靈巧。而家我終於明白咩係車人合一。

係大約9年前，我曾經對R35劣評如潮，佢每地方都令我覺得無比憤怒：廳大車身、重量重得驚人、為懶人而設既波箱、比月球更大既車輪、SUV般既座位位置。一年後我又試過一部有名既改裝GT-R R35，依然未能取悅到我：比太空科技更加覆雜既設定、令人失望既服務程序、眾多既機械弱點。

更差既係，早期既R35實在太容易駕駛，更甚令人覺得無聊。外觀奇怪、個名聽落又蠢、更離譜係佢既電腦控制程式令架車變得太容易駕駛－，連蠢人都渣得到既跑車！

R35出產後，一眾Track同Black版本都相繼而出，當然我都試過佢地。但直到2015 Nismo版本先令我心動，日產既工程師終於成功創造出顧及到司機樂趣同究極科技結晶。

點解會有咁大既進步呢？可能因為更硬既底盤、可能懸吊系統換左橡膠同聚氨酯軸套。無論係咩改左都好，的確令GTR變得更好。雖然R35 Nismo並未成為2015 PCOTY大賽(R&T雜誌的比賽)得票既頭三位，但佢係我地心中絕對有一定地位。

兩年後，2017 GT-R Nismo出產。底盤比前形號更硬、改良懸吊系統、以及內外既全面升級。

如果你要分得清2017形號同舊形號既外觀不同，咁你就要落足眼力玩呢個「找不同遊戲」。但當你點著引擎，踩落油門就會清楚新舊之間既相異地方，進步地方一目了然。

舊R35常有情況，司機因為過度既車身控制，駕駛其中會有以為自己係凌空浮動既奇怪感覺。而呢部車就完全冇呢個問題－更可以證明比你睇佢擁有Datsun510血統。

車箱內就冇左以前崖面灰既溫和感覺，但明顯既改進令你有更新更佳既體驗。係凹凸不平既路上行駛時，你會感到仿如自己係路上行走，一凹一凸都係你掌握之中。波箱感覺更加完善，雖然都未算太寧靜，但起碼唔會好似以前－一轉一停就令司機覺得有解體既「危機」。

相比991世代既保時捷Turbo S或者Acura NSX，呢部GTR面對既Turbo Lag仿如一部70年代末既車，機械構造同科技水平都比以上新車有所拋離。但係GTR依然有佢既魅力：日產選擇使用舊有技術，例如液壓轉向而唔用EPS，結果得出GTR有更佳控制，更快轉向反應。

更硬既車身底盤結構令司機更容易聽到輪軚抓地既聲音，有助司機係入彎中做既決定更精確。當踩落油門，前輪有足夠動力帶動車頭轉向。新車令司機有更多時間思考，令司機更容易係第一時間做出正確決定。

現時好多GTR愛好車都只係衝住佢「Godzilla」既名而黎，並唔係因為部車本身。車廠都努力令跑車更大、更重、更大馬力、更容易駕駛。而日產既工程師就造出GTR-對熱愛駕駛司機更好既選擇。

GTR雖然唔再係新車，都唔再擁有任何破天荒既新科技。但係佢絕對係熱愛駕駛司機早係10年前已經想要既「千里馬」。年度最佳性能跑車佢就冇份啦，但係對JDM日本車愛好者而言就係不二之選！

Photos: Pinterest – Richard Pardon, Evan Klein

想關注更多關於車既消息留意住 News & Reviews! 

想睇更多關於車既嘢？立即讚好我地 Facebook Page 同 follow 我地既 Instagram