Alfa Romeo Giulia Quadrifoglio – 我地最期待既Alfa終於出現了？

4.5/5分評價

+幾年來最佳既Alfa Romeo
-車箱內設計未如理想

咩車黎架？
呢部車成功挽回Alfa Romeo既聲譽，令熱愛駕駛既司機再次愛上Alfa－Giulia使用後輪驅動、擁有超過500bhp、係Nordschleife(Nurburgring)跑一圈都只需要7分39秒、外觀非常華麗，一眾車迷相信都急不及待駕駛佢！雖然大家都非常熱切期待，停一停回想下當年萬眾期待既4C，一諗當年既結果令我地既期待稍為降溫。

關於Giulia既數據同資料？

來自法拉利既工程師使用三年時間研發Giulia既引擎同底盤。全新研發既引擎以鋁製－2.9L雙渦輪增壓，90度V6－產生出503bhp及443磅扭力、0-62mph只需3.9秒。除此以外，更配備最新ZF 8速自動波波箱。
透過碳纖維傳動軸將馬力傳到後輪，而在差速器兩旁既機電離合組件控制扭力，令車能穩定駕駛又不失樂趣。另外IBS系統(Integrated Brake System)以獨特電子系統組合穩定控制及助推器，提供汽車有更短反應時間。IBS系統同底盤控制相輔相成，配合ESC及自適阻尼器成為Guilia既大腦，控制磅力向量。原裝車包有碳纖維引擎蓋、碳纖維車頂、活動式碳纖維前唇，另外可選擇碳陶瓷煞車碟。眾多輕量材料而成既Giulia重量只有1524kg。

駕駛感覺如何？

當你進入車箱，就會見到大小恰到好處既軚盤、座椅活動空間充裕、轉向桿大少適宜，令你輕鬆搵到舒適既駕駛座姿。
除左舒適既車箱，仲有法拉利獨有點火按鍵－係488 GTB到你會搵到一樣既按鍵。
係司機格離既波箱中軸、波棍後有個轉動按鈕，配備4個DNA駕駛模式。D代表Dyanamic及Race，油門、排氣系統、轉波、懸吊系統、轉向都會重新調節，加上係Race時完全停止ESP系統將會帶比你無窮樂趣。N代表Natural。而      A就代表Advanced Efficiency，令你得到33.2mpg既低耗油量，及198g/km CO2排放量。

選用N模式時，轉向扭軚感覺太輕盈，當選擇D或R模式時感覺就更加實在。引擎有足夠爆炸力，而且轉數高達7000轉時依然非常流暢順滑，咆吼聲與M3 M4可以一較高下，令人聽之一振！(雖然仲未達到C63轟炸機聲音級數)。

ESP系統完全停止後，就係Giulia底盤發揮所長既時候，快速轉向令入彎更快－而優秀既底盤令司機清楚了解車身抓地程度。

Giulia擁有完美平衡既後輪驅動底盤，可謂鬼斧神工。更令人感到興奮之處在於扭力向量，令Giulia能夠輕鬆甩尾。引擎既線性傳輸、配合良好既後軸令控制甩尾都非常容易。

快速既轉向令甩尾輕鬆又自然－直頭係「自信救星」！充足既速度配合足夠既鎖力，令你一轉一扭又可以做出自然既甩尾，想再型D？一直甩尾飄移直頭尾軚煙霧彌漫啦！

503bhp，443磅扭力既數據，毫無疑問係一部快車。馬力配合底盤迅速反應，令Giulia可以一直帶頭，拋離唔少跑車。

經過路面測試後，Giulia既懸吊系統硬度適宜，係凹凸不平既路上只要按下專用功能按鈕，係D,R模式就能夠調節懸吊系統。就算熄左ESP，以進取方式駕駛，一樣能夠令司機乘客覺得非常舒適。雖然GIulia比同類形車都更舒適，但係快速入過彎時，始終需要更硬既阻尼器又穩定車身。話就話硬左，但都未至於坐得辛苦既！

係路面實際情況又點呢－係平常路面上依然非常迅速自如。你可能會問咁又有咩特別啊？等我舉個例子，C63 AMG S Coupe係濕滑，更硬、不平既路面上(日常生活既面對既路面，並唔係平滑既賽車道！)表情惡劣，將佢既弱點表露無遺。
總結！Giulia確實係一部好車，更重要既係我地期待已久既超水準Alfa Romeo！

Giulia既對手？
Quadrifoglio版本(姐係好玩又大馬力果款！)售價比寶馬M3高，但依然比C63平。Giulia車箱內部設計不及以上德國車豪華，但係有趣好玩層面上無可比擬！

仲有咩要知？
Giulia棍波版本只有6速－而且仲只限左軚車。但唔洗灰心住！我地試過自動波同棍波版本，棍波版並無特別有趣之處，而且波棍大少仲令駕駛有D麻煩。相反自動波既鋁轉波撥片設計一流，使用更方便。除此以外，8速撥片令扭力向量更加流暢。

Photos: Evo

想關注更多關於車既消息留意住 News & Reviews! 

想睇更多關於車既嘢？立即讚好我地 Facebook Page 同 follow 我地既 Instagram