Audi Sport確認退出WEC賽事，專注發展Formula E

奧迪車隊經歷13次Le Mans勝利、同WEC獲得巨大成功後，柴油賽車隊係未來決定不參加La Sarthe賽事。

Audi Sport（管理奧迪所有同賽車相關既部門），確認係2016年賽季完結後將會全面退出WEC賽。

奧迪退出WEC後，將會優先發展Forumla E。研發Formula E既成本遠比WEC同Forumla 1低。

除左Formula E，奧迪會依然參與DTM賽。而繼續FIA World Rallycross與否就仍然係審議階段，雖然係最近S!賽車司機Mattias Ekstrom贏得冠軍，但奧迪會點決定依然係未知之數。

奧迪所做既決定都並唔輕率，目的都想幫總公司減輕經濟負擔（VW柴油車事件）。奧迪主席都對旗下賽車部門指出今次係基於品牌負擔下所做既決定。

奧迪主席再補充，佢地將會專注發展更多項目，令公司係未來數年都能夠保持競爭力。呢番說話當然直指奧迪將會注視電動車科技，相對減輕對柴油車既投資。

自2000年起，奧迪就係La Sarthe獲得13次勝利， 其中8次冠軍都係靠柴油車所奪得。除此以外，奧迪係WEC同美國Le Mans賽車都有傑出成績。奧迪既退出都意味著柴油車將會係Le Mans淡出，變成保時捷同豐田混能汽油車既天下。

除左量產車會更加注重電動車外，賽車都一樣會向電動車方向發展。奧迪已有既ABT Schaeffler Audi Sport部門將會係2016／2017年賽季間大大增長。

「回望奧迪經歷18年概念車賽中得到既巨大成果，退出實在係一個艱苦既決定」，奧迪賽車部主管Ullrich博士再次衷心感激所有係賽車部門奮鬥既成員。

Photos: FIA WEC

想關注更多關於車既消息留意住 News & Reviews! 

想睇更多關於車既嘢？立即讚好我地 Facebook Page 同 follow 我地既 Instagram