實測棍仔波子911 997 C2S

我一向都唔係波子既fans。可能因為佢地個樣唔夠獨特，或者佢地啲車架架睇落都太相似，又或者係喺香港實在有太多了。

我前幾年有試過架Cayman S，試完之後有啲失望。可能因為架車個極力子保養得唔好，又或者我未試清楚。

幾年後我再試既係呢部09年 997 Carrera S 棍波。係香港眾多波子入面呢架望落好平凡，一啲都唔起眼。我完全可以相信如果我泊係中環我有機會認錯我自己同人地架車。

內籠方面好整潔又易適應。就算係城市入面渣呢架都好易上手。我完全可以理會到點解咁多人會選擇日日渣呢啲車。座位一流，行李箱亦都唔差，而呢部仲配搭咗一set好高質既Bose喇叭。

行車方面極力子好準，又唔算太重。引擎非常線性，380匹既馬力非常十足，聲亦都唔差。我越渣得耐就越鍾意呢部車。

咁到最後我會唔會買呢部車呢？正如我上述所講，除咗GT3RS之外，個樣其實太平凡，係市區入面可能仲多過啲Civic Type R。但另一方面呢架車係日常用都好方便，好好玩。如果撇除佢個樣同佢冇後座既因素，呢架同架M3我會揀呢架911。

按這即時留意最新既二手波子

想關注更多關於車既消息留意住 News & Reviews!

想睇更多關於車既嘢？立即讚好我地 Facebook Page 同 follow 我地既 Instagram。