5部世上最危險既車!

想唔想知有咩車時時刻刻都想「殺左你」呢？你部車又會唔會榜上有名？又或你「明知山有虎，偏向虎山行」？雖然佢地好危險，但世上都絕對有唔少技高人膽大既司機能駕馭到佢地！

Porsche Carrera GT

最經典既事跡，一定係Paul Walker既死，除左Walker，仲有F1賽車手Lewis Hamilton老豆都曾經駕駛Carrera GT炒車。一向串咀唔認輸既Jermey Clarkson都要認低威：「只要一唔留神，佢就會咬甩你個頭！」、保時捷車手Walter Rohrl更形容「首部能令佢感到恐懼既跑車」，可知呢部650匹寡婦製造者既威力。

Dodge Viper

車如其名，兇猛無比既V10毒蛇！所有電子輔助都冇，而ABS brake亦係2001年起既形號先有。後輪驅動令Viper更危險，司機少d經驗都難以駕駛佢既威力！（就連落車都有危險！美國報導有部份司機落車時，被兩側既死氣喉辣傷）

VW Beetle

下？一堆超級跑車危險就正常啦，但Beetle都可以上到榜？！先講後座設計，當炒車時後座就會完全「摺埋」！而駕駛既危險在於佢既擺動軸懸掛，一唔留神就會令到架車甩尾。難渣、車輕、唔襟撞：危險好合理啦～

Smart For 2

係Smart for 2可愛既樣貌下，隱藏住既係冷血既連環殺手！當你試下快速入彎時，你就會感受到生死只係一紙之隔既感覺，嚴重既轉向力不足，非常短既軸距都令佢非常危險！渣得Smart就要小心，唔好一貪一時之快啊！

TVR 所有出品

「超快、炒車、著火、玩完」－Jeremy Clarkson曾經講過，只要係TVR造既都會好快之後就著火爆炸。點解？TVR為左最hardcore既司機而造，除左大馬力冇電子輔助外，車殼用非常輕既玻璃纖維製造。咪住，係危險，但仲有咩咁特別？最特別既係，車中所有按鈕都冇任何圖像或字！TVR覺得夠經驗既司機，絕對知道每個按鈕既位置，如果你一個唔小心禁錯制分神－著火、爆炸！

想關注更多關於車既消息留意住 News & Reviews!

想睇更多關於車既嘢？立即讚好我地 Facebook Page 同 follow 我地既 Instagram