i3、i8要絕種了

寶馬i3同i8要絕種啦~2部外觀科幻,跳脫既混能/電動車將同大家講再見。寶馬指出i3同i8己完成其「存在意義」,未來唔會為佢地出後續車。 寶馬決定「i系列」將會同主流車款融合,但未來亦唔排除會以限量或訂造方式推出1至2部i系列車款。心急想知寶馬會出咩電動/混能車?寶馬先前除左係推出i3、i8期間注冊左i1至i9既名外,仲注冊左ix1至ix9!係SUV大行其道既日子中,電動或混能 SUV好快就會成為主流車款啦。相信好大機會係短期內見到寶馬將佢地推出市場。 此而家到2025年,寶馬預定將會推出11部電動車,你地又期待寶馬電動車嗎?   想關注更多關於車既消息留意住 News & Reviews! 想睇更多關於車既嘢?立即讚好我地 Facebook Page 同 follow 我地既 Instagram

AMG特別號碼:53!

繼43、32、36、55、45、63等等數字,AMG又出新「數字」啦!今次既特別號碼係53,53並唔係5.3L,而係使用3.0L直6引擎,再加上2個Turbo。 CLS 53 AMG有429匹馬力;384磅扭力。配合全輪驅動系統,0-62mph只需4.5秒,以豪華房車黎講實在非常快。雖然53快,但準備會有更快既63出現呢! 另外,新車亦會更上「AMG Ride Control+」模式,偵測到減速路脊時,就會自動升起懸掛高度,感應到汽車加速就會將懸掛降低。渣得耐渣到攰?半自動駕駛系統幫會幫司機分擔疲累。 如果唔想要4門房車,但又想要53?仲有E53 AMG兩門Coupe!包你揀到一部岩心水既新直6 Benz。     想關注更多關於車既消息留意住 News & Reviews! 想睇更多關於車既嘢?立即讚好我地 Facebook Page 同 follow 我地既 Instagram

50週年慶:Bullitt Mustang

今年係Steve McQueen著名電影Bullitt(1968)既50週年,係電影中最出名既除左有主角Steve McQueen外,緊係佢部深綠色Mustang啦!但呢部Mustang神龍見首不見尾,終於係50年後既今日再現! 原來Bullitt Mustang一直由同一家庭所擁有,為左避免賊仔、壞人偷車或破壞汽車。呢個家庭唯有將擁有Bullitt Mustang變成秘密,亦將部車收埋。但係50週年,佢地決定將部車送到底特律,解開50年消失之謎! 另外,Ford亦推出新特別版Bullit Mustang。新車以最新款2018 Mustang為基礎,配色、車鈴設計都向原作致敬,風格一樣。新車有475匹馬力;420磅扭力,極速163mph,雖然只係比普通版5.0 Mustang快些少,但佢既賣點當然係設計啦!快d睇下圖啦: 想關注更多關於車既消息留意住 News & Reviews! 想睇更多關於車既嘢?立即讚好我地 Facebook Page 同 follow 我地既 Instagram

Mach 1回歸-電動SUV?!

今年既美國底特律汽車展,Ford既新聞一浪接一浪!先有消失30多年既1968 Bullitt Mustang出現返,再公佈50週年版新Bullit Mustang外,Ford仲話比大家聽-Mach 1要回歸啦! Mach 1今次既回歸,竟然以電動SUV姿勢返黎見大家。(Mustang死忠們,大家冷靜!)Ford又指呢部SUV會以Mustang作靈感創作。Ford對電動車計劃投資唔少,總共投入超過10億美金研發,而呢部Mach 1將會係2020年打頭陣!大家就拭目以待,究竟「電動大牛龜SUV」同野馬交叉會有咩新景像? Inspired by icons. Developed by #Ford Team Edison. Born in Detroit. A...

飄移飄足8粒鐘:M5新記錄

哇!哇!哇!M5又破記錄啦,今次唔係Nurburgring圈速,亦唔係加速或極速,而係飄移!係2017年12月11日,寶馬派出Johan Schwartz駕駛新600匹馬力M5,連續飄足8粒鐘、232.5英里咁長!拋離前記錄143英里咁多,成為新「8小時連續飄移之王」。 要連續飄8個鐘,冇油點算?當然唔可以停低慢慢入油,更唔可以入pit入油。寶馬就派出舊F10 M5飄住移黎幫新M5入油。邊飄移邊入油,難度咁高,仲好睇過剩飄移啊。 又因為第2架M5飄住黎入油,寶馬仲破多一個記錄:世上最長兩部車同時飄移-1小時間飄出超過49.25英里。   想關注更多關於車既消息留意住 News & Reviews! 想睇更多關於車既嘢?立即讚好我地 Facebook Page 同 follow 我地既 Instagram