現代loniq Electric – 電動車界新秀

車評：表現良好，但相信不久將來會被對手所超越。 loniq係現代(Hyundai)製造既最新燃料替代汽車，同時係世上首部包含三種方式選擇既車：混能、純電力、充電式混能。但並冇生產汽油或柴油車種。 引擎、波箱及汽車表現 loniq為前輪帶動，由電力摩打所產生動力。而loniq馬力118bhp，218牛頓米扭力非常強勁，仲高過部車既馬力！波箱應用單減速齒輪。而係三款車種中，純電力版速度最快，選擇sport mode後0-62mph只需9.9秒，但極速只有103mph，因現時電動車既傳動系統未能應付高速度。 另一方面，電力摩打表面不俗，起步速度唔錯。由0-20mph感覺非常迅速。電動loniq仲可以帶比你安靜舒適體驗，就算係密集城市中都唔洗擔心會嘈醒你既鄰居。 應用科技系統 loniq使用28千瓦時鋰離子聚合物電池。係NEDC測試中可以持續航行至174英里極限，但多數持續航距為130-140英里。用普通240v插頭由無叉到滿電，大約要12個鐘、而使用現代專用插座只需4個鐘、用50kw快速叉電器更短至33分鐘即可。 同傳統電動車比較重既事實一樣，loniq Electirc都比C-segment系列(1420-1475kg)重。但係並唔代表loniq重，佢比電動車對手更輕－輕過e-Golf 100kg！為左減磅，loniq既引擎蓋同尾門都係鋁造。 相比充電混能同混能車款，電動版並冇使用多連桿懸吊系統，而選用扭力梁軸。原因在於電動版電池已經較大，必須轉用其他懸吊系統以保留車尾箱空間。 駕駛感覺 比電動車一哥日產Leaf更好，呢個實在係驚人既結果！loniq除左滿足到顧客對電動車既需求，仲比到你一D小娛樂。 但呢部車依然有部份缺點：唔接受顧客度身訂造車款、整體速度表現未結理想、抓地力不足、同懸吊系統未有Body Control系統(自動調節懸吊系統以提供最舒適、安全狀況) loniq作為一部好玩既車仔，電動轉向系統非常優秀，反應迅速。係入彎時充份表現出loniq既優勢，遠遠超越佢既對手。 loniq重心低且置中，有助車身保持平坦，同時有助輪胎抓地。而且包括電動車優點，踩落油門就瞬間加速，感應非常迅速。而呢個優勢係Sport mode時就可以提供更大樂趣！ 而loniq最有趣之處，相信就係制動再生能量。另外駕駛時仲可以唔洗踩brake，拉幾下軚盤左面撥片就夠減速。想像一下係髮夾彎中風馳電掣而唔洗踩brake，實在難以想像地有型！...