世上只有三部－Pagani Huayra Dinastia

Huayra Dinastia出世既故事非常有趣，Pagani先生係紫禁城旅行時對九龍壁一見如故。返到意大利就立即開始設計。

新設計中，飛龍同Huayra融為一體－Huayra Dinastia正式誕生。

而Dinastia只係限量出產3部，點解3部呢？原來因為「三」同「生」音似，Pagani希望以「生」－誕生、新生為呢部車既理念，所以只係得三部咁多啦。而三部顏色各有唔同－第一部為藍、第二紫、第三金（全部都係碳纖維混合顏色）。如果你想欣賞哂三部既英姿，就好可惜冇機會啦！因為金Dinastia已經賣出左，車主未有向外提供任何相片。

外觀特別之處－係車身可以見到龍既圖案，配合紫碳纖維同金黃車鈴，充分體現到帝王氣息。但係除左外觀既設計，性能同普通Huayra一樣。

如果唔知Huayra既威力，唔緊要！等我地話你知－使用6L 平治AMG V12引擎，達到700bhp及738磅扭力。0-62mph不足3.5秒，極速高達230mph。

三部Dinastia你又最鐘意邊部呢？定係你依然覺得Huayra BC先係Huayra家族既真正王者呢？