低價出售745匹馬力AMG GT

對比標準AMG GT係以下呢部車，就變得物非所值啦。

平治AMG GT R絕對輕易成為焦點，而Dime Research and Development公司就將AMG GT推得更高層次。Dime係一間美國改裝車公司，亦曾經改裝SLS AMG。佢地公司公布最新既GT車就係呢部－Dime Racing AMG GT啦。你可能會覺得AMG GT會唔夠快，但係經改裝後絕對唔洗擔心。Dime Racing GT有賴升級ECU系統同渦輪增壓，令4L V8引擎產生745匹馬力，731磅扭力。

除左馬力扭力既增加，Dime Racing GT仲增加左空氣力學配件，以減低風阻。相信大家都係外觀都清楚分到Dime Racing GT同AMG GT R既分別，而Dime GT既碳纖維配件(尾翼、側裙、鬼面罩等地方)都令佢唔會被怪物級既AMG GT R比下去。除左碳纖維配件，仲有好多新既零件：Pirelli車胎、更輕既排氣系統、可調節懸吊系統、升級冷卻系統。如果想拎佢去賽車，一樣滿足到你既需求又安全：防滾架、賽車收音機同滅火桶都一應俱全。另外，買左Dime Racing GT仲有禮物送比你－Pirelli World Challenge季票、車罩以及同埋一隻Växjö手錶。

講左咁耐，究竟Dime Racing GT賣幾多錢？只係15萬美金就包含哂所有禮物、配件！攞車方法都好容易，去美國指定平治AMG經銷商就可以揸走佢啦！買完仲有5年特長車保。唯一缺點就係Dime Racing GT只有1000部，相信好快都會全部售磬。希望我地可以快D見到AMG GT R同Dime Racing GT係賽車場上一較高下！