平治X class－帶比你首部豪華農夫車

最新既X class將會帶比你農夫車(pickup truck)豪華新體驗，仲係平治進佔新市場既代表。

平治剛公布X class概念車－平治豪華農夫車。

X class開發時打算係V class下推出，以符合佢商用車既特性。但X class外觀相比V class就更接近C class同GLE系列，X class同時係商用同私家車－將會比其他車有著更大既能力同使命。

平治既大名當然會吸引唔少買家留意，X class將會有2種車款比買家選擇。

我地先睇下充滿活力－檸檬金色既X class，一睇就知佢係個馬力十足既探險家！配備冰原探險用既輪胎、密封車底、電動絞盤。仲有獨特既網狀尾門設計，絕對令你覺得耳目一新！

另一部探險家就非常優雅－擁有雪白色外觀、22吋華麗多幅線合金鈴、車尾LED環繞尾門設計。

除左外觀華麗，車內都非常豪華－啡色真皮座位、白色Nappa真皮配合木製錶板（豪華到你都察覺唔到收埋左個滅火筒）、車箱內多處鋁製裝飾。絕對將駕駛農夫車變成非一般享受。

X class概念車同實際量產車，兩者都非常接近（照常理都會有些少出入既）。平治今次提早公布－將會使用V6 柴油引擎，4Matic四輪驅動系統－配合分動箱、兩個可鎖定差速器及電子循跡控制系統。

X class沿用傳統車身、車架分離式設計，可以負重1.1噸、絞盤可拉動3.5噸重物。X class既負重拉動能力，用黎運送賽車都游刃有餘。

平治董事長蔡澈博士指，X class擴充平治，生產更多種類汽車，而且仲同時擁有私家車與商用車既特性。X class主要市場定位將會係澳洲、拉丁美洲、南非同歐洲。

Photos: Mercedes

想關注更多關於車既消息留意住 News & Reviews! 

想睇更多關於車既嘢？立即讚好我地 Facebook Page 同 follow 我地既 Instagram