被評為「世上最珍貴既F50」－Ferrari Nero F50將會係美國亞利桑那州(Arizona)出售。 世上只有2部為美國市場而造既F50，而家所出售既正係其中一部。值得留意既係，該車只係行左2090英里。呢部F50除左稀有，歷史都非常輝煌：於1995年第63屆日內瓦車展中首次亮相，由當時一眾法拉利既靈魂人物：Luca di Montezemolo, Piero Lardi Ferrari, Sergio Pininfarina 以及Niki Lauda一同揭開佢既紗布。 無容置疑，呢部1995年出世既F50性能絕對非同凡響，0-60mph只需3.6秒；完成一英里都只需30.3秒。 如果係手頭上有350萬美金等緊買野，就好立即出發去RM Sotheby’s，準備係1月20號投標買呢部珍貴既F50！ 另外，最近法拉利公佈將會推出J50－只會限量出產10架！如果你對限量版法拉利有興趣就快d去拍賣會買F50再落訂買J50啦！ Photos: RM Sothebys 想關注更多關於車既消息留意住 News...
平治用盡諗得出既方法，以求搵出新F1賽車手。 2016年F1世界冠軍車手Nico Rosberg係阿布扎比獲獎後5日就宣佈退役賽車手生涯，震驚全球－當然平治車隊就更加感到震驚啦！Nico既退役令平治Petronas車隊失去一個主力，而根據登出係Autosport既招聘廣告，睇黎車隊仲未搵到車手可以接替Nico之位。 招聘條件簡單直接： 「車隊中現有賽車司機職位空缺」 之後就講解賽車手應有的責任及工作： 「作為車隊其中一員，需要駕駛F1車賽－包括演示賽車、測試賽車以及參於格蘭披治大賽。應徵者需具備強烈的爭勝心以及尊重團隊精神。應徵者亦需要提供其賽車圈速，以三方面評估其駕駛技術：控制、煞車及加速。」 根據Motorsport.com，平治F1車隊定期都會係英國雜誌登招聘廣告， 但請F1車手就真係前所未有。 招聘廣告除左列出應徵者需具備條件外，亦都列出賽車手得列既福利－人壽保險、醫療津貼、仲可以直接向平治租借車輛使用。 睇完個招聘廣告，我諗你都估到佢係平治既宣傳技倆。但宣傳還宣傳，佢登左個招聘廣告出黎，相信都有好多讀者會寄信去應徵做F1賽車手啦！ Photos: Facebook 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
