Koenigsegg電單車？！

February 12, 2017
Articles

唔洗興奮或者驚訝住，以上呢張圖只係由3D圖像設計師Maksim Burov所造既虛擬概念車。 如果你未識Koenigsegg，佢係一間超級跑車製造公司－1360bhp既One:1同1500bhp既Regera就係出自其手筆既Hypercar啦！雖然佢地整車就超哂班，但係就並未有製造任何電單車。 但係Marksim Burov既想像力絕對唔會比現實所限制，佢一手一腳以3D圖像畫出「Koenigsegg電單車」。雖然概念車並無任何數字講出馬力扭力重量等資料，但就咁睇樣同Koenigsegg個名就知一定會好快啦！ 呢部概念電單車並非世上第一部「以汽車作藍圖而造既電單車」，睇下2014年既Lotus C-01－由名設計師Daniel Simon以Lotus為基礎所設計既V-twin引擎配合碳纖維、鋼、鈦合金車身所製既電單車 除左Lotus外，仲有出名輕既Caterham成為「電單車」既藍本－Caterham Carbon E-Bike。Caterham用係車名當然因為車身非常輕，「電」單車就真係電動單車。除左電動，個名仲係來自F1車隊，4年後雖然F1計劃就冇左啦－電動單車計劃就仲可行既！ Photos: Pinterest 想關注更多關於車既消息留意住 News & Reviews!  想睇更多關於車既嘢？立即讚好我地 Facebook Page 同 follow 我地既 Instagram

+ Read More

麥拿倫將與寶馬聯手製造最強引擎！

February 9, 2017
Articles

敬請期待能超越麥拿倫F1 627bhp V12既新引擎出現。 麥拿倫將會再次同寶馬合作製造汽油引擎。自麥拿倫F1後，今次就係2間車廠就因應英國政府支持下製造更高效能內燃引擎，因而再次合作。 呢項製作引擎計劃將會由麥拿倫主導，而製作團隊由6間公司組成，包括寶馬、Ricardo（現時為麥拿倫製作街車引擎既公司）、Univeristy of Bath）、Lentus Composites、著名鑄造公司Grainger&Worrall（該公司為主線F1賽車及Bugatti Chiron鑄造引擎缸體、為保時捷GT3及GT3 RS鑄造引擎缸蓋）。 但最令人振奮，都係麥拿倫同寶馬再度合作會再次創造出神話。對上一次2間車廠合作，已經係1990年時麥拿倫委託寶馬製造麥拿倫F1既引擎。 由寶馬Motorsport部門主工程師Paul Rosche所造既S70/2引擎為N/A 乾式6L V12，其4條凸輪上都裝有可變氣門（Variable Valve Timing）及12個獨立節氣門。而呢副引擎就係裝係麥拿倫F1上672bhp、7500rpm既傳奇。0-62mph只需3.2秒；更於當時打破世界記錄達到240mph極速。 S70/2能成為傳奇並唔單因為其「天文數字」，而係精準既計算與V12既狂野結合而成既成果，其引擎所發出既怒吼可謂史上最震撼既「轟雷」。因為呢一切令S70/2成為世上其中一副最偉大最重要既引擎。 以下既影片就立即帶你進入麥拿倫F1既世界，將傳說般既S70/2呈現係你眼前，更令你聽出耳油！ Photos: McLaren,...

+ Read More

將Audi R8變成移動廣告板？！

February 8, 2017
Articles

如果閣下駕駛住R8都未能吸引人群注意，咁以下Audi推出既新服務就絕對幫到你。 點解要將R8變成「移動廣告板」？ 嗯。。我地都唔明白點解Audi有呢個想法，但係而家就有機會比你將R8變成更吸引人注意，更能「表達」到你既獨特個性。 Audi使用新專利塗漆係R8兩側既入風口板塊上寫低顧客想要既字句，保證你部R8係世上獨一無二。 自2007年R8登場，兩側既入風口板塊令人一眼就認得出R8。而家Audi就確保呢2塊「廣為人識」既板更加獨特，更吸引人留意。 Audi會點做？ Audi使用噴漆機器先將板塊面製成消光質地，再使用特殊粉末將清漆粗度調較至數千分之一毫米深度，因此成功將任何字體或圖像精確咁印係車身兩側既板塊上，肉眼亦能輕易睇得出印上既圖像。 項目經理Erhard Brandl指，Audi所應用科技改變油漆光澤及光澤既強度，令只有局部範圍反射到光澤，印上既圖像就能達到消光效果。 以呢個技術，任何字句、圖像都能夠印刷到車身上。雖然科技容許任何字句，法例禁止或不恰當用詞就恕不能印係你部R8上啦！ 正啊！點先可以將想要既信息印係我部Audi上？ 非常簡單－買部R8 coupe或者R8 Spider啦。如果想係其他Audi車上享受呢個噴漆科技，就要等多幾年啦。 1平方米或以內圖像或字句都可以印係R8上，科技真係發展得「日新月異」。。。 Photos: Audi 想關注更多關於車既消息留意住 News & Reviews!  想睇更多關於車既嘢？立即讚好我地 Facebook...

+ Read More

西班牙 「法拉利樂園」－車迷既迪士尼

February 6, 2017
Articles

歐洲最快最高過山車將座落係法拉利樂園 如果Enzo Ferrari同Walt Diseny兩大巨人聚首一堂，必定會創出法拉利樂園。 今年4月7號法拉利樂園將會歡迎遊客光臨！法拉利樂園座落於距離巴塞羅拿一個鐘車程既PortAventura主題公園。想試下全歐洲最快最高既法拉利？由平面以時速112mph爬升列368英尺只需5秒！無錯，佢就係樂園獨有既法拉利過山車，只有係呢到可以感受到既「超級過山車」。 如果速度都滿足唔到你，唔洗灰心！法拉利樂園仲有Bounce-Back Tower－以模仿引擎活塞活動而設既機動遊戲。講到以汽車為主既樂園，仲要係雄厚賽車歷史既法拉利，法拉利樂園當然有佢既專屬賽道！所有遊客，無論幾多歲都可以坐上迷你法拉利跑車，係1900英尺賽道上飛馳。 整個法拉利樂園既主角永遠都只會係汽車，係樂園既意大利鄉村中將會停泊一眾著名法拉利跑車：Berlinetta、California、Speciale、Italia、Spider、同埋精選Formula 1賽車，樂園鄉村將會將意大利風情同法拉利既熱情一一帶比遊客感受。另外樂園仲將法拉利生產線重現比大家觀賞，令遊客係樂園都能夠一睹係Maranello既法拉利車廠。遊客係PortAventura付費就能夠進入法拉利樂園。 西班牙法拉利樂園並非世上第一個「豪華汽車樂園」，而2010年係阿布扎比（Abu Dhabi）開幕既Ferrari World就更大，係2018年就會增加至43款機動遊戲。而家車迷去旅行前又多左2個地方優先考慮啦！ Photos: Pinterest 想關注更多關於車既消息留意住 News & Reviews!  想睇更多關於車既嘢？立即讚好我地 Facebook Page 同 follow 我地既 Instagram

+ Read More

VW將推出全電動GTI

February 1, 2017
Articles

VW有意將高性能車款都推出電動車版本 VW公佈電動車車種將會擴闊到跑車上，而且GTI都會加入電動車行列，並會配上新名－「ID」。 Golf系列中汽油及柴油將改名成GTD或GTE。 ID系列係幾時開始既呢？2016年巴黎車展上展出充滿未來風格既ID概念車－同Golf大少相近既全電動掀尾車（仲有自動駕駛功能添），VW亦宣言未來電動車將會以此風格為藍本。今年VW再公佈電動車ID Buzz－未來風格露營車。兩款電動車都將會係2020年開始生產。 ID系列將會繼續擴展，覆蓋更多車款。VW銷售及市場部主管Jürgen Stackmann指GTI將會有青出於藍，配合新元素、新改變，令GTI成為既好玩又值得收藏既車。 GTI系列車從第一部－1974年Mk1 Golf，至今所有產品，都能既滿足列司機駕駛樂趣又係生活中非常實用。 近期既Clubsport S為VW有史以來最強既GTI車款，係Nurburgring上震撼萬千車迷之心。 VW相信係未來可以將「GTI血統」複製列電動車中，又或創造出電動4輪驅動GTI。VW生產線副總裁指「VW除左能夠製造出一流日用車，亦可以擴大範圍製作更快既汽車以回應市場需求。也許會推出4輪驅動車。」 預計ID系列將會仿效VW現時汽油及柴油車系列－包括SUV、與Scirocco相似既電動Coupe。 Photos: Evo 想關注更多關於車既消息留意住 News & Reviews!  想睇更多關於車既嘢？立即讚好我地 Facebook Page 同 follow...

+ Read More