Need for Speed 2017最新消息

繼上代Need for Speed係2015推出,新一集都應該差唔多時間要推出啦。Ghost Games承諾玩家,新一集會注重改裝車,比玩家有更大自由度改裝自己既愛驅。(至少肯定唔會再出現Rivals少得可憐既所謂改裝-改色) Ghost Games充滿自信咁講,所有玩家都會愛上新一代既改裝車選項,改裝車絕對係遊戲非常重要既元素,亦會承上啟下,開發更完善更有趣既功能。 除左改裝功能,Ghost亦承諾會有「兵捉賊」,警車追跑車既元素,以令地下賽車感覺更加真實。 新一代依然會使用Open world形式進行遊戲,地圖將會比以往更大、更優秀,讓玩家發掘無限既玩法。而新一集亦有令玩家鼓舞既消息-新增單人模式(唔需要連線上網都玩到),令玩家可以專心享受自己既遊戲,亦唔需要煩上網速度、Xbox/PS會藉問題。 雖然Ghost Games未有提供更多資訊,但佢地應承大家,將會於6月10-12既EA Play活動上公開Need for Speed 2017更多資訊! (雖然只有一張圖-但至少會有陽光啊!相信有玩Need for Speed 2015既玩家都非常懷疑陽光)  ...

法拉利 Sergio 2015 最具爭議既法拉利?!

由 Pininfarina Sergio所設計既法拉利中置引擎跑車,佢係2013年日內瓦車展中首次登場,但登場後就爭議不斷。 Sergio 2015以法拉利458為藍本基礎而造,使用相同既4.5L V8引擎,562匹馬力及400磅扭力。開蓬版既Sergio比458更輕(概念車輕458約330磅),0-62mph只需3.4秒,極速達200mph。 該車同時慶祝Pininfarina設計成立85週年。 現時杜拜領導人就買左一部,亦有傳聞美國及亞洲既領導人、高官對佢都非常有興趣、開價400萬歐羅! 但呢部車對比458,經名設計師所造既Sergio又係咪真係更靚、更獨特呢?-獨特就一定啦!世上只有6部,但靚唔靚就見人見志。 大家對Sergio有咩睇法?歡迎留言討論一下! (我就覺得佢好似法拉利版Smart Car…又似玩具車)   圖片來源:Google 想關注更多關於車既消息留意住 News & Reviews! 想睇更多關於車既嘢?立即讚好我地 Facebook...

嘈到拆天既Silvia

有邊個車迷會唔鐘意來自死氣喉充滿爆炸力既震撼聲!唔鐘意既人當然會覺得非常煩厭,飛仔車夜晚死氣喉party、電單車走過、直喉跑車突然谷高轉數既聲都會嚇到人心都離一離。而係摩洛哥,就有部Silvia就嘈到拆天咁四圍走啦~ 當然啦,呢部720匹馬力既Silvia 所發出既聲音絕對唔只噪音,而係來自NASCAR零件及LS3 V8引擎帶來既美妙音樂。係以下片段中就展示到比你呢部Silvia究竟有幾大聲-而片中亦有市民走抗議呢部車太嘈。 你又點睇?佢夠唔夠嘈呢?     影片來源:Youtube 想關注更多關於車既消息留意住 News & Reviews! 想睇更多關於車既嘢?立即讚好我地 Facebook Page 同 follow 我地既 Instagram

提高汽車性能的簡單方法!

新手想開始改裝汽車又冇頭緒?快D入黎睇下啦! 更好既輪胎 雖然換胎唔會提升馬力,但換胎必定係提升汽車操控、手感首要進行既任務!提升馬力後,亦必須更好既抓地力。 更好既燃料 睇清楚你部車需要咩燃料,如果將普通燃油入左需要高級燃油既車,馬力就會下降-所以睇清楚你要邊隻燃油! 更換空氣濾心/進氣系統 高性能濾心能有控阻隔雜質進入引擎,亦可以加速空氣流入引擎。如果想再進一步,就可以改裝「冬菇」進氣系統(Cold Air Intake),有效吸入更大量冷空氣。原理來於將原廠濾心從引擎分出來,裝在引擎外面更有效吸入更多更冷的空氣。安裝「冬菇」非常方便,只要簡單工具及個零鐘就得啦! ECU升級 Electronic control unit(ECU)升級,能夠改變點火時間、空氣/燃油比例、以及渦輪增壓既壓力。以下就有數方法進行ECU升級:安裝晶片(簡單安裝,但亦有發生錯誤既風險)、交比專業改裝車公司(過程中能監察溫度、壓力,確保唔會出錯)。 大口徑油門 該改裝但只適用於ECU升級後既車,因需要改變引擎「呼吸」模式。 馬力輪出、轉數、缸頭設計、汽缸容量、油門位置及噴油器位置都會影響到油門大細。 改裝前做足功課,查清楚自己部車,最多可以提升95bhp之多。 更換高性能或移除催化 催化用作控制通過死氣喉既燃油,但會造成壓力,降低汽車性能。拆除催化雖然簡單,但你就要做好心理準備-大檢唔合格!另一方法,你可以更換高性能催化,有渦輪增壓既車可提升高達15bhp之多!(但N/A引擎就唔能夠獲得如此提升) 影片來源:Engineer...

保時捷997變身-Flat-Nose 935

相信保時捷於短期內都唔會出新車,如果你想做首個擁有市面上最獨特保時捷既車主,呢篇文就幫到你啦! 來自日本既Old & New公司推出特殊改裝件:將997 911保時捷(2008-2012)改裝成935 Flat-Nose 911!改裝後,你就可以將普通既997 911大變身,變成1979年勝出Le Mans 24小時賽既935 Flat-Nose賽車! 935曾經參與370項賽事,當中勝出123場比賽。優秀既性能與輝煌既戰績令街車版大受歡迎。又因此,呢套改裝組年亦誕生,向935致敬。 除左引擎蓋、車門、車頂及玻璃外,呢套組件要將整部997既外殻更換,雖然花費時間功夫絕對唔少。但改裝後,經典935與現代997融合既外型優美,花幾多時間都抵返哂!但組件並未有935既反燈件,因為現今汽車安全準則提升,改而係泵把到加上兩盞大燈。 呢套件成功將935既靈魂加到997身上,無論車身兩則、車頭、車尾定風翼、四個碌都同部車配合得天衣無蓬。如果你討論呢部車、覺得佢好醜樣既話,我只能夠話你冇創意,又或單純係唔鐘意保時捷啦!   圖片來源:CarThrottle 想關注更多關於車既消息留意住 News & Reviews!...