係星加坡城市中，出現一部巨型自動販賣機：賣咩既呢？食物？雨遮？定電話卡？統統都唔係，呢部自動販賣機分別會賣牛、馬、波子、等四個碌既豪華玩具。 該販賣機由Autobahn Motors公司所擁有，總共有60個位展出汽車。顧客想睇車，只要係地下電腦選擇汽車，幾分鐘後汽車就會運到地面。 AM公司指該設計除左創新、充滿特色外，亦為左星加坡地少特製。自動販賣機大廈設計除左用地少，更可以同時展出60部汽車。 除左最新型號既跑車外，亦有經典車出售，例如1955 Morgan Plus 4。 車迷去星加坡旅行又有多一個景點要睇下啦！ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
LeMans 24小時賽為賽車屆中最具挑戰、難度極高既賽事，24小時內賽車及司機都要保持最佳狀態！919 Hybrid車隊就係上年LeMans中稱霸賽道。而919賽車與918超級跑車既關係就好似有雞先定有蛋先一樣，究竟係以賽車為藍本開發超級跑車，定由超級跑車慢慢發展成賽車呢？ 為左製造輕量LMP賽車（LeMans Prototype）919使用V4引擎，確保引擎輕量（bye bye V8引擎～）。雖然V4引擎細小，但仍有500匹馬力之多！再配合電動摩打既400匹馬力，使重量極輕既LMP 919成為速度極高既賽車。 以下片中就由LeMans賽事勝出者Marc Lieb中展示919於賽道完成一圈，快d戴上3D眼鏡感受一下919啦！ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既...
購買電動車最頭痕既煩惱莫過於叉電問題，叉電時間長、亦唔及入油方便。但最近Stanford University就公佈左無線充電技術，裝置可以無線技術為移動中既電動車充電。雖然只能叉1milliwatt電，遠比電動車所需電力低，但仍係令電動車用家鼓舞既消息。 該技術目的建立不需要停車，就能夠充電既系統，便利電動車用家。對比現今需要數小時先能夠叉足電實在有天淵之別。 新無線充電技術基於2007年由MIT（麻省理工）所製造既無線充電系統，亦為現時既磁共震無線充電技術作出改進。該系統需使用磁場振盪去傳輸電荷，依靠充電電路對齊，若出現落差更需人手重新設定。 當要傳送更大功率電量，關鍵便在於放大器：現時大學團隊只使用了10%效率，若定制新放大器便能輸出超過90%功率。 觀察現時市場上既電動車，美國Chevrolet Bolt充滿一次電能夠行走380km或以上、將面世既Tesla Model 3將能靠一次充電行走320km左右。若無線充電技術成功，大家就唔洗再怕冇電問題，亦唔洗計住叉一次電行到幾遠，可以盡情享受駕駛！ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook...
F1賽車可以話係最極限既賽車，配合精密既空氣力學設計、最先進引擎、超輕量物料等等，相信大家都認為F1一定係最快既賽車。但對住呢部Ford Fiesta起步就落得食塵下場？！ 大家一定會諗，肯定個F1車手唔入流唔識launch架車啦，又或Feista由神秘車神所駕駛；而事實上Mercedes-Benz F1賽車由Lewis Hamilton所駕駛、而Ford Fiesta則由Ken Block所駕駛。世界頂尖一級方程式賽車手VS拉力賽車手（仲係Youtube、飄移紅星添） 而Ken Block所駕駛既Ford Fiesta當然唔係普通車：RX賽車都使用AWD四驅系統，有非常高抓地力，配合600匹馬力使其起步快如閃電。 想知更多關於呢部超級Fiesta，或者極限飄移片段，記住留意下一集！～ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow...
瑞典超級跑車廠商Koenigsegg曾推出多速打破記錄既超級跑車：包括ONE:1，亦擁有世上其中一最先進科技：無camshaft引擎設計、最瘋狂跑車：Topgear中The Stig都難以駕馭既CCX）。Koenigsegg最新旗艦車Regera終於係2017年6月13日宣布80部全數售罄！ 公司創辦人Christian von Koenigsegg指，Regera為其公司成立以來最高先進既科技結晶，為Koengisegg定下更高質素準則。 混能超級跑車Regera使用雙渦輪增壓V8引擎，及電動摩打：1500匹馬力及1475磅扭力，0-399kph只要約20秒，性能係一眾超級跑車中脫穎而出，更可謂世上其一科技極限！ 圖片來源：petrolicious 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
