Bentayga既外觀設計好壞參半，唔少人都覺得奇怪甚至醜樣。而美國一間專為豪華SUV、房車設計包圍既公司STARTECH就為Bentayga進行整容，外形變得更Sporty。 STARTECH為Bentayga裝上新設計前後泵把、碳纖維後鏡、 碳纖維尾翼。除此之外，仲將車身較低及配上4條23吋鈴，Bentayga由本來肥仔樣即時變到夠哂「Mean」。個樣夠狠，聲都一樣！STARTECH將原來既喉換上跑車用喉，保證W12引擎既靚聲能夠盡情爆發出黎。 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
自從Huayra出產後，Zonda就慢慢「退下火線」交棒比Huayra。但事實上Pagani仲有出唔少限量版或特別版Zonda，而今次Zonda又返黎啦！ HP Barchett比其他Zonda都要特別，除左外型明顯唔同：開蓬無頂設計、無框超薄擋風玻璃、誇張既尾翼同入風口。更特別既係「HP」代表創辦人Horacio Pagani既特別設計，呢部車亦會成為佢既個人收藏品之一。 HP Barchett只重1250kg，使用7.3L AMG製造V12引擎。呢部超過700匹馬力既輕量Zonda你覺得好唔好睇？你又最鐘意邊款Zonda呢？ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
最近有人影到Nurburgring中有2部NSX正在進行測試。又諗深一層，NSX由公佈到而家都有一段時間，算唔上「新車」，咁Honda又點解要送NSX去測試圈速呢？由以往「流言」推測，Acura/Honda曾經講過想製造更強更快既NSX Type-R咁呢2部車有冇可能就係Type-R呢？另外，Honda亦講過有意製造電動NSX，但由影片可「聽」呢2部NSX絕對唔會係電動。 從90年代既NSX同NSX Type-R沒落後，今年最近推出既NSX又會唔會咁快出埋Type-R呢？ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
寶馬///M家族最新成員，將會以LeMans賽車形象率先登場！寶馬宣布推出新8系後，大家都深信會有M8既出現，終於不負眾望：M8 GTE於德國及西班牙賽車場中測試。 寶馬賽車手Martin Tomczyk駕駛M8後指「M8容易操控、駕駛樂趣非凡」。另外是次測試主要以安全為主，日後將會有更多測試，以確保M8性能足以於賽車場上與各大車廠較量。 係下個一月既24 Hours of Daytona賽事中，我地就可以見到M8正式首次登場！其後，M8亦會參加2018世界耐力賽事、下個6月既Le Mans 24小時賽。自1999年寶馬勝出Le Mans後，2018 Le Mans將會係寶馬再次卷土歸來既日子！ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
由Rene Turrek花2星期時間所設計既Mustang，呢部車有咩咁特別呢？淋水前呢部Mustang只係啞黑色，但一掂到水即時變成「美國隊長」，係引擎蓋上顯示出美國國旗 ！ 除左美國隊長，亦都有Joker車。唔知香港幾時會有呢類咁特別既車呢？ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
