之前麥拿倫就公佈左要製造比P1 GTR更快更瘋狂既Ultimate series hypercar：代號P15。終於P15正式出世，以傳奇賽車手冼拿命名，將已故冼拿傳奇再續！ 另外，麥拿倫係Ultimate series計劃中，仲留有一手，準備係下年推出F1後續車P23－無錯！P23將會有3個位，貼F1一樣將司機位放係正中。 麥拿倫Senna使用同720S既一樣既4.0L Twin Turbo V8引擎，再推高至789匹馬力。雖然馬力比P1 GTR少，但下壓力更高，而且車更輕：0-60mph不需2.8秒！ Senna只會限量製造500部，並係2018年下旬開始出售。售價為75萬英鎊起。 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
Fairlady既有優雅外型，又有相當既實力，不愧為一代經典跑車。但Fairlady要快到421km/h，超過400，連Devil Z都做唔到，究竟呢部係何方神聖？！ 佢個名就係1991 Jun Bonneville 300ZX，一部足足有986匹馬力既「迷人淑女」，由日本改車公司Jun Auto所造，早於1991年時就創下記錄，跑出421kph時速！呢個記錄更係史上首部能突破400kph大關既日本車，意義重大。 要達到如此誇張既速度同馬力（仲要係90年代），Jun Auto將一對Group C賽車既Turbo抬入Rebuild引擎到！而上手車主就將該Fairlady既波箱更改，令佢變得可以係馬路上合法駕駛 。如果你對呢部車有興趣，$71000美金起就可以！ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
Alfa Romeo自從出左Stelvio，係Nurburgring上證明Alfa先係SUV王者後，似乎仲未「心息」要稱霸SUV屆！Alfa新目標就製造大型SUV，同Audi Q7及BMW X5等豪華SUV角力。 據聞，新Alfa SUV將會係旗下有史以來最大既車。新SUV以Stelvio底盤改造，但Alfa就未公佈任何照片，大家只能望住Stelvio想像一下先。 另外，有傳聞更指Alfa想重新研發4C－跑車除左好睇 ，性能都係相當重要！希望係未來我地會見到新既4C，唔會再令車迷失望啦。 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
Koenigsegg 炒車，真係聽到都痛！仲要係Regera（暫時世上只賣出左一部，係馬路上行走中）。Koenigsegg最近就係佢既Instagram中上載左Regra Crash Test既「慢動作影片」。為左慶祝100萬followers，Koenigsegg真係不惜工本，拎部Regera出黎比大家一睇！ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
