汽車潮流而家最興咩野？當然係電動車同SUV。積架就睇準時機，準備推出I-Pace電動版SUV！好消息都黎啦，積架已經完成對200部I-Pace進行既測試 ：總共進行左11,000小時及1,500,000英里測試，確保新車品質。 電動車對比傳統柴油／汽油車，最令人頭痛就係冇電、續行力不足。而I-Pace經過測試後，叉一次電總共可以續行200英里（ 322公里）！積架指有望將來只需用「嘆一杯咖啡時間」就能由0%叉到80%。解決叉電時間長既難題。 積架預計將會係2020年起將電動SUV推出市場， 同Tesla Model X展開正式對決。 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
係大家仲未回味完Supercharged XJR 575既威力時，XJ系列就要變成安靜既電動車，V8 V6引擎既吼聲都好快成為絕響。 Autrocar指積架正打算將XJ系列全電動化，整個系列都會變成電動房車。雖然聽落積架呢個決定非常大膽進取，但積架其實已經開始左進軍電動車界：早已有I-Pace電動房車！而XJ亦將會向I-Pace取材，變成威力不凡既電動房跑。 I-Pace擁有雙摩打，共有395匹馬力。而XJ相信馬力將會更加，另外仲會有威力更強既XJR出現。預計XJR威力足以挑戰Tesla既P100D！ 根據Autocar指出，我地將會係2018年底、2019年初就有望見到電動XJ出現！ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
轉子引擎既獨特叫聲一聽難忘，可惜RX家族係RX8後就再冇轉子引擎跑車。當中RX7相信最令人難忘，先有經典FC、再有FD，兩部都係令人一見難忘既辣車。頭文字D中高橋兄弟以RX7為戰車，係各Stage跑過既身影都深深刻係大家腦中。 為左令世人唔好忘記美好既轉子引擎，英國改裝車公司JR Motorworx造左部新車，將賽車、經典同現代感集合埋一齊！成為世上獨一無二既RX7。 呢部RX7擁有500匹馬力，使用經重組既13B-REW轉子引擎。講多無謂，睇片聽聲最實際： 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
VW電動車除左ID系列外，將會有最新既R系列加入！早前係Hill Climb見過既ID R超級電動跑車力證VW有能力推出高性能電動車，而且部門主管Jost Capito保證所有R電動車性能都有所保證，絕對唔會輸比汽油車。 而首部R系列電動車將會係部SUV，除左跑得 VW亦重視電動車實用性：續航力及車箱空間。電動車需要放置摩打及電池，要保持實用空間充足認真要諗下位置點擺放－仲要顧及跑車元素，唔可以太高太大部。 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
玩經典車最慘莫過於搵零件，一日未搵到件一日都要放係車房冇得渣。保時捷官方為左解決車迷煩惱，決定推出3D打印零件，提供予一系列經典車款使用。 而家雖然仲未完全普及，但預計未來將會有更大發展，3D打印零件將提供比更多車款！保時捷決定開始3D打印零件計劃原因在於成本及時間。要人手製造零件，又或搵找零件成本同時間都非常高，而3D打印則可以係短時間內製造出所需零件，對車廠及用家都係一流解決方法。 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
