點解要括住個E？因為呢部E-type比普通E-type唔同，佢係Electric、電動架！呢部車係上年已經同大家見過面，就係哈里王子既婚禮上出現。雖然呢部E-Type既速度比唔上現時既電動跑車，例如新Tesla Roadster、Rimac Concept one、2 等怪物，但老爺車既用途同超級跑車又點會一樣呢？雖然E-type Zero係Rimac幫助積架製造，但定位就差得多啦～ 積架證明比大家睇電動車唔一定要係平平無奇既代步車、又或瘋狂既超級跑車，仲可以用係經典老爺車上。仲叫得老爺車－其「風味」依然存在，E Zero唔會支援快速叉電、換句話佢只能供「短時間」／間中行駛做下假日車。冇快速叉電，每次叉電時間需時至少5個鐘，真係要計好邊日用車～唔係叉都叉唔切。 E Zero香港暫時就未有，但E Type係 hkcartrader上就有！唔想要電動，又或等唔切？想感受傳統E-Type就快d上黎搵下車盤啦！ 引擎: 電動、後輪驅動 馬力 : 254匹 扭力 (lb ft): 331 0-100時速: 7秒內 ...
CRX後繼車CRZ馬力只有135匹，加速亦唔快，0-100需要9.1秒，令唔少人失望並認為佢未能承繼CRX既衣缽。但CRZ作為一訓跑車，又有咩可取之處呢 ？ 外觀CRZ保持左CRX設計風格，車尾大玻璃天幕掀背實用得黎又獨特。而整架車設計相當科幻，配合Hybird「高科技、未來」風格。就連車門開門位都收埋，同一般hatchback唔同。車籠內亦有驚喜，錶版會隨住轉數變色（可以Rev到上6500轉！） 另外CRZ雖然係Hybrid又充滿未來風格，但依舊係棍波車，玩味十足。1500cc既CRZ雖然慢、但外型、操控既好玩程度都絕對唔會比其他Hot Hatch輸蝕，想係二手車市場中搵部平平地好玩又放心既日本車，不妨考慮一下佢～ 係香港地要夠平夠細CC，易整好玩既二手車，非Honda莫屬！ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
消失係世界已久既轉子引擎將會再次出現！萬事得指將會再次投放資源係轉子引擎上。RX-9計劃希望重燃－但最新既轉子引擎跑車將會同RX-7、RX-8有異，相信會以概念車為藍本加入混能或電動元素，以平衡轉子引擎超級食油既缺點。 2020年萬事得將會推出旗下首批電動車，而電動車既數據將會成為RX-9既參考資料！轉子引擎雖然有缺點，但亦有其他引擎無可比擬既優點：體積細小、威力非凡。只需千零cc就可以爆發出300匹或以上馬力，係未來用於小型汽車非常有用。 雖然萬事得會係2020年開始賣電動車，但車迷唔洗擔心佢地會變成三菱－將旗下最出名既evolution都變埋電動SUV既慘劇。萬事得歐洲副總裁Wojciech Halarewicz,發表「電動車並非未來既答案」，汽油引擎依然係無可取代既存在。希望萬事得會係未來重燃轉子引擎熱潮！ RX-7價錢不斷係二手車市場上升，佢既轉子引擎聲、高轉數亦係令人津津樂道既 存在！快d留意下hkcartrader上既RX-7車盤，成為下一個高橋涼介、高橋啟介！ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
Civic Type R無論邊一代都深受香港車迷愛戴，而當中FD2更加唔洗講啦！每日出街起碼都會見到3、4部FD2走過。FD2四門、夠輕、棍波、V-Tec，實用得黎又好玩，而之後既FK2同FK8雖然都有4門，但換左Turbo引擎後你又會唔會覺得有d失去原汁原味既感覺呢？ 如果你覺得FD2先係最好既Type R，咁Type RR絕對係終極Civic。Type RR係十年前－2008年既東京車展中登場：引擎升級至2200cc，馬力提升至256匹。而重量就只有1095kg！車頭除左鋁引擎蓋外全以碳纖維所造，Brake改為前6pot、後2pot卡鉗。 Mugen Civic Type RR為限量車款，只有少數出產。其定價比普通頂級option FD2 貴足足8萬蚊有多！想搵FD2玩？快d留意住hkcartrader睇下有冇心水二手車盤，話唔定仲有機會見到呢部RR添！ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow...
Hyundai N Department同寶馬M Division大有關係：前寶馬M Division副工程主席Albert Biermann過檔Hyundai。咁i30N又受副幾多寶馬M跑血統影響呢？ 寶馬跑車受歡迎其一大原因在於操控感一流，例如E46堂軚既重量令你絕對一試難忘，亦難以係現時新車上再搵到同樣感覺。最新既F80 M3 Sport+模式電子軚盤重量十足，都係為車迷可以再次感受傳統寶馬跑車既感覺。而i30N作為一部Hothatch仔，都一樣有份量十足既手感，堂軚既重量與M3 Sport+相近！（如果想渣得舒服D，亦都有較輕既Comfort模式），錶版亦如M系跑車，係REV錶上裝有LED燈。 另外，i30N亦提供多款駕駛模式，連尾牙都可以透過電子控制，而最誇張既佢有多達1944個配搭組合可以供司機調節。最後我地張所有高科技功能拋開睇下坐椅－佢竟可以拉出加長，呢個功能係幾咁寶馬！ 想知i30N幾時推出香港市場，又或有冇水貨會黎到香港就要密切關注hkcartrader！希望未來會有更多平價辣椒仔幾時會係香港二手車市場出現，供車迷多一個選擇！唔洗係街千篇一律所見既都係Golf、Type R、Scirocco～ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
