Jenson Button曾擁有既Ford GT正在售賣中

由Jenson Button曾擁有既Ford GT將會係今月底於Stoneleigh Park既Race Retro活動上拍賣。

前一級方程式世界冠軍係2005年中所擁有既Ford GT正準備被拍賣。

Silverstone拍賣會預計該車將會賣到25萬至30萬英鎊，售價將會同2017 Ford GT相若。講開新Ford GT大受歡迎，Ford接收到大量訂單，因此現正預計增加生產更多Ford GT。係今年年底，仲未收到新Ford GT既買家就會收到貨，好好享受一下新玩具。

Ford GT fans如果又不幸錯失購買機會，而家就係好時機去拍賣會將Jenson Button既第一代Ford GT帶返屋企收藏。而呢部第一代Ford GT比新車更具收藏價值，因為佢係全世界101部GT中，係歐洲5部其一被標記為「VIP」，專為有身份地位既車主所擁有。

第一代GT設計完全保留到原型車GT40賽車既風味。充滿賽車風格，將GT40勝出Le Mans賽事既英姿完美再現。白色車身上湛藍色賽車條紋設計向後期Carroll Shelby設計作出致敬，整部車綜合Ford輝煌既賽車歷史。

初代GT雖無Traction control而且充滿賽車味道，但出乎意料地非常容易駕駛。只要駕駛GT幾公里習慣左之後，你就會發現全架車最困難既部分－爬入車箱中再成功關到門，而且過程中更唔可以撞到自己！

可以買到呢部初代GT實在非常幸運，除左可以親身感受曾經係Mulsanne直路以205mph極速飛馳既呢速超級跑車外，仲可以一嚐做皇牌F1車手Jenson Button既感覺！由Jenson Button同第2位車主擁有既550bhp GT總共行左8350英里。其V8引擎亦受車主們悉心打理，一直由Mountune及Ford GT專家照顧住，所有維修保養均有文件證明。