每年車商都會係日內瓦展出最新奇、最先進既概念車。由大公司至小車廠、改裝汽車專家都會紛紛展出自己優秀既成品。 但另一方面，「好有錢」都並非係件好事－因為太有錢希望得到全世界注視，而訂造出奇形怪狀既汽車，令一眾車迷睇到後都不禁倒抽一口寒氣。以前，呢D奇怪既汽車都會被稱為日內瓦「醜車界既名人堂」(Hall of Shame)既成員，但近年大廠都佔用左主廳令奇怪汽車曝光率漸漸下降。 不過鍾意獵奇既你唔洗擔心！我地就黎觀摩下2017年日內瓦車展既Hall of Shame啦。 Mansory 4XX Siracusa Spider 雖然Mansory將488改裝成800bhp既怪物，但車尾設計、碳纖維組件都令佢既樣變成不折不扣既怪物－Ewww. Techart Grand GT 由Porsche Panamera（睇到呢到，相信部份讀者已頂唔順佢個樣）為藍本改裝，使用22吋鈴、較低車身、及噴上Audi Nano灰色噴漆既Techart Grand GT。呢個2250kg肥仔外形睇落非常「獨特」，但馬力卻毫無改變－維持原廠550bhp。...
但法拉利賣一部所賺既錢更多 保時捷為世界上最賺錢既車廠之一，但究竟佢一部車賺到幾多錢呢？根據Bloomberg－保時捷上年賣出238,000部車，每部車賺$17,000美金、寶馬同平治則大約一部車賺5000美金。點解保時捷搵咁多？因為所有賣出既保時捷都唔係平車，買得起既人都會加入不同選購項目－平均每部賣$90,000美金。 但根據Bloomberg報告指出，法拉利賺更多。 法拉利每部賣出一部車就賺到$90,000美金！雖然法拉利每部車賺唔少，但一年只賣出8000部車。其30%收入卻係來自其品牌系列產品，由衣物至法拉利版權既產品都為佢帶來大量收益。 講開意大利跑車，大家又估下Pagani每部車賺到既天文數字有幾大？ Photos: Pinterest 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
車如其名－超快！812為法拉利所造最強前置引擎跑車 日內瓦車展如果冇左812 Superfast既出現，相信都會失色不少。812 Superfast為F12後繼車，除左LaFerrari之外，再冇任何法拉利街車有如此馬力。 812擁有789bhp既6.5L V12引擎，裝係前中位置。而789bhp亦與LaFerrari 既V12引擎馬力相同！當轉數達3500轉時，就能夠釋放出80%扭力，7000轉就能完全釋放所有扭力。 除左非一般既馬力同扭力，加速都非常不俗：0-60mph只需2.9秒；極速高達211mph。 如此高性能都全靠高壓燃料直接噴系統，而可變進氣管由法拉利F1專業團隊研發，時刻為V12引擎提供新鮮空氣。馬力由反應更迅速既雙離合器變速箱帶到後輪。 雖然812係前置引擎跑車，但法拉利保證其操控能力將會與旗下引擎跑車一樣出色。812擁有法拉利側滑控制－Virtual Short Wheelbase系統，此系統由F12tdf既四輪轉向系統為藍本研發，有效增加汽車反應及靈活度。除此以外，812都係法拉利首部使用電子輔助轉向既法拉利－大家要同液壓風油軚道別啦。 法拉利外觀同內涵當然同樣種要，因此812既外型設計相當優雅：高尾雙門車身向經典法拉利致敬、優美線條橫越沙板與車門。顏色亦係慶祝法拉利70週年「Rosso Settanta」紅，非常奪目！ 內籠如經典法拉利一樣，以設計獨特既儀錶板配以簡約既中控台與前形號相同既軚盤。 Photos: Evo 想關注更多關於車既消息留意住 News & Reviews! 想睇更多關於車既嘢？立即讚好我地 Facebook...
相信眾車迷都睇左Force India新車既賽車花紋，有人笑佢顏色奇怪；又有人覺得夠前衛新潮，你又點睇？ Force India既贊助商係最後一分鐘出乎意料地改變－變成來自奧地利既Best Water Company，令原本橙色既F1賽車變成粉紅色。 雖然Force India既「迷人紅粉戰車」引來車迷一番爭議，但F1歷史上幾奇怪顏色、花紋比比皆是！ 我地就黎一睹歷史上既「新奇」F1賽車既樣啦！ 1999年BAR 01 BAR/British American Racing係1999年時將2間贊助商既花紋係同一部車上使用，係車中間分開2半，令F1賽車變成「雙面人」可謂F1史上首次奇觀！ 為左增加娛樂性，BAR仲係車身正中畫上拉鍊花紋。BAR F1娛樂性十足，但講到真功夫賽車就強差人意－排行最尾，連贊助商都輸埋，睇怕F1都唔會再出現雙面賽車啦。 2007年Honda RS107 ‘Earth Dreams’...
身輕如燕既Huracan係Nurburgring取得6:52圈速，足足快918 Spyder圈速5秒之多！ 由Marco Mapelli所駕駛既V10 輕量 Huracan係「翠綠地獄」取下6:52.01圈速。 由影片中見到Hurcan Performante雖然比Adventador SV達到既速度低D，但總圈速足足快大牛7秒！可見輕量細牛係賽道上非常靈活。 因為要準備於3月日內瓦車展登場，Performante被Becker Carbon迷彩貼紙包圍，外型保持神秘。已知資料，Performante將會使用極輕物料及以碳纖維取代金屬組件。 Becker Carbon公司為一級方程式及Le Mans車隊提供零件，因而可見Huracan Performante成功減輕其淨重。 Performante如GT3賽車既外型設計著重下壓力，增加固定定風翼、新入風口、提高既雙死氣喉。 中引擎既Performante使用5.2L V10，預計將使用如限量版Huracan Avio既新燃油噴射技術。配合新技術，該車將有601bhp及413磅扭力。 Photos: Drivetribe...
