Huayra Roadster於日內瓦粉墨登場

February 21, 2017
Articles

更輕、馬力更大既開蓬Pagani Huayra Roadster登場！ Huayra Roadster比Huayra後生6年，Pagani最近就係日內瓦車展前展示新車照片。Roadster將會由Huayra升級而成，配有更大馬力既V12引擎、以及更優秀既波箱。 更令人驚訝既係，開蓬版竟然比原來版既Huayra輕80kg－全靠碳鈦合金車體及比舊車輕25%既懸掛系統。更輕更快既Huayra Roadster性能應該比舊車更勝一籌！ Huayra Roadster引擎使用平治AMG製M158 V12 雙渦輪增壓引擎，能夠產生出753bhp及738磅以上扭力。改良既渦輪增壓系統一旦踩下油門，就能更迅速開始轉動使加速能力進一步提升，而乾式潤滑系統即使係極端情況下，亦能保持引擎反應敏捷。 Huayra Roadster也使用更優秀既新波箱，由X-Trac製既7速半自動波箱，以增強反應靈敏度及提供更佳手感。另外，雙離合器也減輕40%重量。Pagani指出呢個就係由Huayra為藍本減重既最佳方法，同時都係Horacio Pagani先生希望同目標－將硬頂Huayra淨重減得更輕。 Roadster擁有2款車頂系統，碳纖維及玻璃頂蓬輔以可疊式紡織車頂。該頂蓬可以收納係車內，以防不時之需。而車籠大致與舊車一樣，只有幾項改動：以紅色開車按鈕取代舊有Huayra「玩具車般既車鑰」。 Pagani Huayra Roadster 價錢由2百28萬歐羅起，價值不斐。就算有錢想買，而家都太遲啦，因為100部Roadster已經全部售罄。新車將會係今年陸續送到買家手上。 Photos: Evo...

+ Read More

Nurburgring之王

February 20, 2017
Articles

我地黎睇下前10名係Nordschleife最快圈速既車啦。 出名又難又危險既Nürburgring Nordschleife位於紐倫堡艾菲爾樹林中，總長12.9英里、過百個彎位。整個賽道綜合直線加速直路、考驗入彎技術既彎道、高低斜度不平既段落。司機同跑車係每個彎位，賽道每個部分都受到嚴格既試煉。係賽道上快速飛馳、視線係全速駕駛中開始糢糊－速度不斷上升－G-Force仿佛如大石般壓著自己。 Nürburgring又名「翠綠地獄」，係場上會比你新感受，就算以普通速度駕駛都足以感受到佢既震撼。而要破記錄挑戰圈速，絕對係非常艱鉅既任務。下文就會一數翠綠地獄既頭十名巨頭！ Nürburgring Nordschleife對車廠黎講有2個作用。第一用作測試開發中既新車；第二以圈速黎評定新車既性能高低。新車既銷量及名氣依靠Nürburgring圈速快慢，亦有效吸引車迷購買該新車。 Nürburgring測試非常特別－因為佢目標並非令汽車係日常路面有更佳性能，而單純係Nürburgring賽道上既表現。因此，有部份車廠拒絕使用Nürburgring為準則測試汽車。而非常危險既Nürburgring近年亦加強注意安全。但無可否認，圈速對車遊黎講充滿幻想及浪漫；而高圈速既跑車也受萬人敬仰，眾車廠都不斷尋找方法，以令其汽車係Nürburgring上圈速更快、突破記錄。 最近VW Golf GTI Clubsport S就成為Nürburgring上最快既前輪驅動圈速汽車，係近年眾廠商均激烈競爭既Hothatch界別中取勝。 我地就黎數下頭十名既圈速保持者啦！ 以下由第10名至第1名既車包括街車及只限賽道既賽車。勇氣非凡既司機駕駛以下10部車以平均110mph以上時速係7分鐘內完成Nürburgring Nordschleife。 第10位：McLaren F1 (XP5) – 7:11.11...

+ Read More

麥拿倫650S後續車－720S

February 16, 2017
Articles

係官方正式公佈新車前，大家黎偷睇下720S啦！ 自網上公開左720S既樣貌後，其他資訊都逐漸公諸於世。 最近我地得知新車720S將會配置底盤控制系統－Proactive Chassis Control II。 同預料一樣，該系統以650S既控制系統作藍本而造。不同之處比650S多12個感應器，有助電子系統作出更精確判斷、對懸掛系統作出更佳設定。 麥拿倫研發總監Mark Vinnels指新系統令720S抓地力遠超舊形號跑車，大家更可以放心該功能既改善並不需要犧牲車身平衡或刺激既駕駛感覺。 除左底盤控制系統外，麥拿倫更加入新功能－McLaren Variable Drift control。該功能讓司機係中控版上輕鬆自定穩定系統強弱。 唯一由麥拿倫官方發佈既圖片只見到車尾部份－全新樣貌定風翼以及碳纖維引擎蓋。 720S既定風翼闊度同車尾一樣，同650S比設計相差頗大。雖然設計唔同，但尾翼都會一貫「麥拿倫傳統」有空氣制動作用。麥拿倫指新尾係不足半秒內就能改變角度，增加阻力以達制動作用。 麥拿倫公佈720S空氣動力效率比650S高超過2倍之多。配合新定風翼同車尾擾流器（720S擾流器與P1相近），下壓力亦比650S高50%之多。 車門兩側新設計既空氣導管亦冷卻系統比以往亦有所改善。上方導管會將空氣帶入引擎散熱器；下方導管則會將空氣帶入前輪以減低沙板壓力及增加下壓力。 麥拿倫新超級跑車系列將會以Monocage II作主結構。該車體以碳纖維製造，比650S混合碳纖維及金屬車體輕18kg （720S車體淨重1283kg）...

+ Read More

新Supra資料流出！？

February 14, 2017
Articles

最近係Auto.Blog.rs網站上出現張豐田小冊子既圖片－新Supra將會係未來推出？！ 以日文為主既小冊子除左登出新車將會以Supra之名登場外，仲登有設計元素、動力總乘系統及豐田Gazoo Racing既網址。 Motor1指出小冊子中引述3款動力總乘系統，但就從未提及傳言中既混能科技。 新Supra動力總乘系統來自寶馬，引擎將有渦輪增壓2L同3L供顧客選擇。2L引擎將產出192匹馬力及236磅扭力／252匹馬力及295匹馬力；3L引擎則產出340匹馬力及323磅扭力。2L引擎數據與現今寶馬引擎資料一樣，但3L引擎就同寶馬既有所出入。 小冊子亦指出新Supra車長172吋，闊72吋及高50吋。根據資料，新車比GT86稍長及闊，高度則會一樣。重量則取決唔同既動力總乘有2976磅及3152磅2組數字。顧客同時可以選擇18或是19吋車輪。 車頭燈及泵把設計都印係小冊子封面上，車頭燈外觀與2014年豐田FT-1概念車相似。除左車頭燈，氣流位置與車頭都同FT-1有幾分相似。 小冊子印上「GR」標誌，代表Gazoo Racing車隊。從內文及圖片可見新Supra將有機會係豐田與GR Garage合作成品。Gazoo車隊名字來自早年「互聯網時代」豐田所創既線上車網。時至今日，Gazoo呢個名係日本已經同「車房」一樣廣為人知，亦與豐田與凌志全球官方賽車部門合作。 部Supra有望於2017   年10月既東京車展上登場。預計將會係2018年開始出售並於2019年交到車主手上。從新Supra既底盤及其主結構黎睇，相信都會用係寶馬Z4後續車之上。 Photos: MotorAuthority 想關注更多關於車既消息留意住 News & Reviews!  想睇更多關於車既嘢？立即讚好我地 Facebook Page 同 follow 我地既 Instagram

+ Read More

Koenigsegg電單車？！

February 12, 2017
Articles

唔洗興奮或者驚訝住，以上呢張圖只係由3D圖像設計師Maksim Burov所造既虛擬概念車。 如果你未識Koenigsegg，佢係一間超級跑車製造公司－1360bhp既One:1同1500bhp既Regera就係出自其手筆既Hypercar啦！雖然佢地整車就超哂班，但係就並未有製造任何電單車。 但係Marksim Burov既想像力絕對唔會比現實所限制，佢一手一腳以3D圖像畫出「Koenigsegg電單車」。雖然概念車並無任何數字講出馬力扭力重量等資料，但就咁睇樣同Koenigsegg個名就知一定會好快啦！ 呢部概念電單車並非世上第一部「以汽車作藍圖而造既電單車」，睇下2014年既Lotus C-01－由名設計師Daniel Simon以Lotus為基礎所設計既V-twin引擎配合碳纖維、鋼、鈦合金車身所製既電單車 除左Lotus外，仲有出名輕既Caterham成為「電單車」既藍本－Caterham Carbon E-Bike。Caterham用係車名當然因為車身非常輕，「電」單車就真係電動單車。除左電動，個名仲係來自F1車隊，4年後雖然F1計劃就冇左啦－電動單車計劃就仲可行既！ Photos: Pinterest 想關注更多關於車既消息留意住 News & Reviews!  想睇更多關於車既嘢？立即讚好我地 Facebook Page 同 follow 我地既 Instagram

+ Read More