完美座駕Honda Integra Type-R

係意大利，大家都會塊Sardinia度假。但當你試過駕駛Honda Integra Type-R係意大利既山路上風馳電掣－你就會徹底忘記水清沙幼既海灘，沈醉係Integra既樂趣中。

你聽下！聽D咩？緊係Integra既1.8L 4汽缸 VTEC引擎啦！佢既轉數可高達8500rpm！你係山路上享受樂趣時，成個島都會被兇猛既引擎聲濃罩。對愛車之人而言，呢部車絕對令人愛不釋手。

相信當地人都聽慣哂跑車高速飛馳既聲音－呢條路以前都係用作汽車爬山賽。道路有上有落、直路急彎都帶比司機無比樂趣。

當你駕駛到山頂上，你會肯定Integra係最好既前輪驅動車，更加係世上最優秀既跑車之一。Recaro座椅非常舒適，軚盤、波棍距離同賽車相近，有助司機作出更快反應、就快高速行駛時一樣無難度。我咁寫包單，Integra絕對係樂趣無窮！而呢條路叫Alghero-Bosa，連接住Alghero同Bosa呢2個城鎮。眺望大海，Sardinian景色優美，令你一目難忘。但係此時此刻，我既心已經被Integra完全佔領。

陽光漸漸變得更光更強，照射係純白Integra上，畫面樂似賽車係賽道伴著陽光凱旋回歸。所有野－無論車既引擎轉數、死氣喉既怒吼、賽車椅、遮陽帶……都令我感到好似落車賽車一樣。最令我感到瘋狂既野，絕對係懸吊系統設置，輪軚厚薄適宜、細小既車輪加速，轉彎更快。

配合優秀既機械差速器，絕對唔會出現轉向力不足情況。1.8L引擎既馬力同扭力都可以完美呈現，充分利用。係呢類山路，Integra就等於好玩、快樂既代名詞。

日落時份，同時代表「遊戲完結」要返Alghero城鎮。再見啦，1995年出世既Integra。你絕對係史上最好既前輪驅動跑車！

Photos: Ben Molloy, Classicsracer

想關注更多關於車既消息留意住 News & Reviews! 

想睇更多關於車既嘢？立即讚好我地 Facebook Page 同 follow 我地既 Instagram