終極G-class豪華SUV：Mercedes-Maybach G650 Landaulet

配置V12引擎既豪華開蓬SUV，令你笑住征服所有地型！

平治官方宣布最新加入G-class既成員－G650 Landaulet－首部同Maybach合作既軟蓬開蓬6座位SUV。3月日內瓦展佢就會登場亮相，敬請期待！

相信世上冇人會嫌G-class「太豪華、太大馬力、太快」，因此平治係近幾年不斷製造更強既G-class。首先有配以強大既V8同V12引擎既G63同G65 AMG 、2013年時就出現G63 AMG 6×6「怪物戰車」將G-class變成6輪巨獸、其後再推出「升級版」G500 4×4 squared ，時至今日平治宣布推出「曠世巨著」豪華開蓬G650 Landaulet。

Landaulet外型設計相當復古，充滿世界早期汽車設計－司機係車頂下駕駛著，而後坐既「老闆們」就係豪華舒適既座位上享受大自然，陽光與新鮮空氣。Landaule內籠獨一無異：後座空間非常寬敞，更擁有G-class中前所未有既豪華裝潢，前座與後座有玻璃相隔，只要按下按鈕就可以控制玻璃透明與否。

Landaulet座位設計來自S-class，因此絕對非常舒適－座椅具備溫暖、清涼、按摩功能。兩座位間有「商務控制台」功能，可以保溫或冷凍飲品，前座椅背有飛機般既接疊桌子及10吋屏幕以供乘客娛樂。

G650引擎蓋下既6L 雙渦輪增壓V12引擎有621bhp，令3噸以上重及5.34米既Landaulet 豪華得黎都不失速度。如果渣住佢仲想慳錢就請移玉步－因為佢耗油量16.6mpg及廢氣排放量397g/km。

3月將會係日內瓦登場既G650 Landaulet限量99部，價值則尚未公布，但預料價錢將會與40多萬英鎊既G63 AMG 6×6相近或更貴。