5個你應該擁有麥拿倫P1 GTR既原因！

2016究極道路合法賽車－986bhp P1

原因1: 道路合法，路面使用冇問題！

麥拿倫岩岩公布，將會製造45部986bhp既P1 GTR，比原版P1(916bhp)更輕同更低風阻。而一間英國汽車改裝公司Lanzante公布佢地將會為P1 GTR改造道路合法版。

而P1 GTR已經係英國向政府登記，合法係公路駕駛。更換公路可以使用既車胎、加裝指示燈、以及著通安全帶，令駕駛P1 GTR變得更輕鬆容易。

原因2: P1 GTR優美既賽車條紋！

你睇下天藍既底色配合閃爍螢光橙色既翼，幾咁華麗！除左靚，仲係代表住麥拿倫係1995年勝出Le Mans 耐力賽既英姿。

原因3: 夠哂「新鮮」

有邊個唔想要部新淨既私家車？特別當你要買部近乎1000bhp既超級跑車，你一定唔想部車曾經比人拎過黎飛車。而P1 GTR就絕對乎合條件－9號車為例，只係行駛過152英里，極低里數。

原因4: 唔需要再購買配件

P1 GTR已經設計成適合道路使用，你可能會同平時一樣，要係一堆網站到大海撈針，為你部車搵定一堆後備零件以防壞車或其他情況出現。但係係荷蘭賣緊既呢部就包哂所有後備零件－仲有配備為濕地而設既車胎、落場賽車設定既電腦。

原因5: 尚算抵買！

記住係「尚算」，3百幾萬歐羅點睇都係一個天文數字，轉換返做港紙－2千6百幾萬啦！相信都唔係容易一下子拎得出既資金。

但係，當你試想下P1 GTR係幾咁稀有(全世界45部)，3百幾萬歐羅都係咁上下啦。而另外係荷蘭又賣緊另一部全黑P1 GTR，售價390萬。相比之下呢部都算抵買啦！

Photos: Pinterest

想關注更多關於車既消息留意住 News & Reviews!

想睇更多關於車既嘢？立即讚好我地 Facebook Page 同 follow 我地既 Instagram