Techart 911 GTstreet R – 710匹制動馬力911 turbo
無論馬力、下壓力、外型都堪稱911之霸 德國改裝車公司Techart公布新產品－以991形號 911 Turbo同Turbo S為藍本911 GTstreet R。 除左兇猛既外觀，性能上都有作出調整－包括增加下壓力同馬力。比原廠911速度更為驚人。 係空氣力學同結構上，Techart使用碳纖維物料取代原廠車身板塊，同時設有功能改進。前分離器配有可調節活動功能，有助空氣進入冷卻水溫同油溫；另外仲有效減重。 前輪沙板使用GT3設計，有助減低壓力同冷卻煞車碟。更大既碳纖維入風口有助更強空氣進入，冷卻引擎中冷器。車尾出風口，擾流器同可調節15度GT尾翼對空氣力學同冷卻都有所改善。Techart指時速達186mph時，GTstreet R會達到321kg下壓力穩定汽車。 車輪同車胎有多款類形可以選擇：20吋Forged中鍛車輪，又或21吋版本。後車胎闊325mm。配備VarioPlus避震（同保時捷PDDC系統可以一比）。車頭前唇分離器設有升降系統，可以提升60mm，減速坡同斜坡都難唔到呢部車。 綜合優秀空氣力學、底盤改良，同Techart提升馬力，令911威力更上一層。暫時賣緊既Techart 911為632bhp，649磅扭力（原廠911 Turbo 533bhp同524磅扭力；Turbo S 572bhp同553磅扭力），係2017年頭，將會推出710bhp版本出售。而632bhp版本，0-62mph都只係2.7秒－2.9秒；極速達210mph。 911內籠可以由買家自由選擇，full aero...
