V8跑車大對決－平治AMG GT VS 積架F-type R AWD

兩部跑車一樣係前置引擎V8引擎、配備增壓系統、售價相近，究竟邊部比較優勝呢？

相信你同朋友傾車時，都會有相同既情況出現－當你不斷讚賞你鐘意既車時，就會有人同你講：「你確定你有機會揸到呢部車？」、接住又會有人：「我覺得呢部車唔夠好！都冇駕駛手感既！」。就算平時你幾咁同意朋友既睇法，係呢個情況上都絕對唔會妥協。

平治AMG GTS係不平惡劣既道路上完全顯露出其缺點，當然令好多人不滿。雖然事實如此，但都無礙我對AMG GTS既愛－全車重心都仿如係我腳下、牽引力十足、轉向反應敏捷。

現在－經過幾個月時間，我又試下駕駛平治既門級AMG GT－馬力較低、固定速率線軸哇佬（取代電子控制組件）。但入門級同AMG GTS相比下就強差人意：駕駛手感不順、軚盤轉向時感覺太輕同太快，令到司機難以感受到車既抓地力、而且面對不平既路面完全束手無策。大家見到AMG GT咁既情況都覺得非常可惜－AMG GT同AMG GTS真係來自同一部車咩？

經過一輪駕駛後，AMG GT好成功地－磨滅我對佢既愛。雖然我仲好鐘意佢優美既線條、美妙既4L 雙渦輪增壓V8引擎，但奈何全架車而言仍無法挽回我既愛。AMG GT為456bhp及442磅扭力，GTS則較多47bhp及37磅扭力。但兩者既咆吼聲一樣，每踩下一次油門都能夠感受到轟雷般既震撼。兩日均使用8速雙離合器波箱。

除左外觀同引擎，我都好鐘意AMG GT既座椅位置。雖然座位重心非常低－望出擋風玻璃只見又長又闊既引擎蓋。但經過一段時間適應後，就令我愛上呢個低重心座位－坐係後軸之上能夠感受到每一個細節，仿如人車合一（至少路面平穩時會非常舒適）。

今時今日AMG GT有唔少競爭對手，我地就帶黎其中一位擁有四輪驅動、542bhp及501磅扭力既積架F-type R Coupe AWD。佢一樣有8速自動波波箱，據積架提供車重1730kg，相比下AMG GT就輕D重1540kg。（雖然我地幫F-type磅過重足足有1825kg）。兩部車都有符合作為Grand Tour車既特質，同時又有接近超級跑車既性能。當我測試積架前，我期望駕駛F-type時得心應手。

當切實駕駛F-type時，我感到相當驚奇－F-type感覺笨重（AMG GT則非常順滑）、車內感覺簡樸，我並非指F-type車內裝潢簡陋，只係未達到Grand Tour應有既感覺。按下點火，即時聽到5L 機械增壓V8引擎既怒吼－低沈既咆哮震撼得足以令人心跳停止，不禁令我驚喜如此狂野既引擎巨響竟然可以合法享受到？！

係多彎又可以快速駕駛既路上，我決定使用Dynamic模式，手動以撥片轉波。同AMG GT一樣，適應F-type都需要一段時間，F-type轉向迅速且輕（但絕對比唔上AMG GT既敏捷反應）。係駕駛頭幾公里時，因為轉向迅速及馬力充沛令司機感到非常繁忙。但適應過後，對駕駛F-type又充滿自信就能夠真正鬆容自若地享受到F-type既無窮樂趣。

F-type R Coupe最大致命傷都莫過於佢既牽引力，後輪驅動係60年代既肌肉車可能好好玩，但放係542bhp既變左缺點，令司機未能完全享受到F-type既性能。點解？因為後輪驅動令司機駕駛害怕損毀後車胎，唔敢「去盡」享受成架車既平衡設計。但AWD形號就完全唔同，司機可以全力以進取既駕駛風格享受到F-type AWD既性能－將車頭推得更前入彎、準備出彎時大力踩下油門，快飛跑出彎位。呢一切既樂趣、難以忘記既駕駛既經驗相信都會長存係司機心中。