Used Car. Hong Kong. English and Chinese language
Buy your next used car through hkcartrader.com! Our massive online used car database has over 15,000 used car classifieds to choose from!...
How would you like to sell?
Used Cars For Sale
If you are thinking about buying or selling a used car then you have come to the right place. Hkcartrader...
Jaguar 「E」-Type Zero
點解要括住個E？因為呢部E-type比普通E-type唔同，佢係Electric、電動架！呢部車係上年已經同大家見過面，就係哈里王子既婚禮上出現。雖然呢部E-Type既速度比唔上現時既電動跑車，例如新Tesla Roadster、Rimac Concept one、2 等怪物，但老爺車既用途同超級跑車又點會一樣呢？雖然E-type Zero係Rimac幫助積架製造，但定位就差得多啦～ 積架證明比大家睇電動車唔一定要係平平無奇既代步車、又或瘋狂既超級跑車，仲可以用係經典老爺車上。仲叫得老爺車－其「風味」依然存在，E Zero唔會支援快速叉電、換句話佢只能供「短時間」／間中行駛做下假日車。冇快速叉電，每次叉電時間需時至少5個鐘，真係要計好邊日用車～唔係叉都叉唔切。 E Zero香港暫時就未有，但E Type係 hkcartrader上就有！唔想要電動，又或等唔切？想感受傳統E-Type就快d上黎搵下車盤啦！ 引擎: 電動、後輪驅動 馬力 : 254匹 扭力 (lb ft): 331 0-100時速: 7秒內 ...
滄海遺珠CRZ
CRX後繼車CRZ馬力只有135匹，加速亦唔快，0-100需要9.1秒，令唔少人失望並認為佢未能承繼CRX既衣缽。但CRZ作為一訓跑車，又有咩可取之處呢 ？ 外觀CRZ保持左CRX設計風格，車尾大玻璃天幕掀背實用得黎又獨特。而整架車設計相當科幻，配合Hybird「高科技、未來」風格。就連車門開門位都收埋，同一般hatchback唔同。車籠內亦有驚喜，錶版會隨住轉數變色（可以Rev到上6500轉！） 另外CRZ雖然係Hybrid又充滿未來風格，但依舊係棍波車，玩味十足。1500cc既CRZ雖然慢、但外型、操控既好玩程度都絕對唔會比其他Hot Hatch輸蝕，想係二手車市場中搵部平平地好玩又放心既日本車，不妨考慮一下佢～ 係香港地要夠平夠細CC，易整好玩既二手車，非Honda莫屬！ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram
轉子引擎回歸：RX-9
消失係世界已久既轉子引擎將會再次出現！萬事得指將會再次投放資源係轉子引擎上。RX-9計劃希望重燃－但最新既轉子引擎跑車將會同RX-7、RX-8有異，相信會以概念車為藍本加入混能或電動元素，以平衡轉子引擎超級食油既缺點。 2020年萬事得將會推出旗下首批電動車，而電動車既數據將會成為RX-9既參考資料！轉子引擎雖然有缺點，但亦有其他引擎無可比擬既優點：體積細小、威力非凡。只需千零cc就可以爆發出300匹或以上馬力，係未來用於小型汽車非常有用。 雖然萬事得會係2020年開始賣電動車，但車迷唔洗擔心佢地會變成三菱－將旗下最出名既evolution都變埋電動SUV既慘劇。萬事得歐洲副總裁Wojciech Halarewicz,發表「電動車並非未來既答案」，汽油引擎依然係無可取代既存在。希望萬事得會係未來重燃轉子引擎熱潮！ RX-7價錢不斷係二手車市場上升，佢既轉子引擎聲、高轉數亦係令人津津樂道既 存在！快d留意下hkcartrader上既RX-7車盤，成為下一個高橋涼介、高橋啟介！ 想關注更多關於車既消息留意住 News & Reviews! 想睇更多關於車既嘢？立即讚好我地 Facebook Page 同 follow 我地既 Instagram