Audi RS3－394匹制動馬力 超級房車！

Audi啱啱公佈最新嘅RS3－擁有2.5公斤五汽缸渦輪增壓汽油引擎，爆發出394匹制動馬力嘅超級房車。

擁有TT RS 嘅力量( 寶馬2系最新對手！)，再加上Audi Quattro 四驅系統，RS3可以迅速追上比佢價錢貴一節既對手。

Audi指RS3擁有354磅扭力，0-62mph(~100kmph)只需4.1秒，有幾快？足以同寶馬M3匹敵咁快！極速限制至155mph(~250kmph)。如果解除限速，將可提升到174mph(~278kmph)。

RS3房車提供RS sport 懸吊系統，包含自動適應減震器。而S-tronic 系統7速雙離合器波箱，引擎、軚盤反應速度，同死氣喉既咆吼都可以透過三個模式改變－ 舒適、自動以及動態。 電子儀表設計靈感來自R8同TT跑車，更配備特別RS引擎轉速表，成架車非常sporty。

同基本A3比較，RS3車身低25mm，前輪距將會更闊20mm；後輪距更闊14mm。

另外有大型370mm前煞車碟配備8活塞卡鉗。而且可以轉用碳陶瓷碟。基本形號配置19吋車輪以及233/35輪胎，前輪則採用255/30輪胎。

RS3將會加強成為RS3 LMS賽車，大大活躍係TCR賽中。RS3 LMS有325匹制動馬力，6速序列式波箱。0-62mph(~100kmph)大約4.5秒及極速150mph(~241kmph)。呢部車將會賣比賽車隊伍，售價129,000歐羅連稅，係12就會開始發貨比買家。如果你想買就快手啦！

Chris Reinke－Audi Sport customer racing主任指，相比GT3賽車，TCR賽車市場更具潛力。

「係2016年將會有10場TCR賽市於18個國家舉行，未來更有望擴展。而TCR賽車更可以係冇GT3賽車嘅國家舉行，好處在於成本低，零件同維修隊伍都比較平。我地自2009 年R8 LMS得到既經驗將會對今次研發大有幫助再回饋顧客。

Photos: Audi

想關注更多關於車既消息留意住 News & Reviews! 

想睇更多關於車既嘢？立即讚好我地 Facebook Page 同 follow 我地既 Instagram