2017 香港Renault Clio R.S. Trophy及GT-line發佈會

我地有幸獲邀出席Renault發佈會，以下為當日盛況！

(General Manager Kelvin Kong及Sebastian)

Renault於2017年將會推出兩款新車－Clio R.S. Trophy及GT-line，更邀請兩位著名香港賽車手：謝森(Samuel)同楊嘉儀(Danice)，試車及即場分享心得。

兩位賽車手皆為Clio Cup車手，非常熟悉Clio系列車款。兩位車手分別駕駛R.S. Trophy到大帽山試車，皆對新車一致好評！

Samuel指新車非常好玩：撥片轉波反應迅速、避震靈活，轉向操控R.S. Trophy時得心應手。車內新座椅亦十分舒適、對腰部既承托力充足、多媒體系統新7吋螢幕提供不同模式玩味十足。除左車迷會愛上呢部新車外，4門設計亦非常實用，可作「家用、跑車」兩用。

Dance指新車比舊款進步唔少：特別係新既多媒體系統包括左記錄Clio既多種數據，如賽車般專業，有助司機駕駛技術。另外就算全車坐滿5人都依然有力，性能相當優秀。新車亦適合家用，老人家、小朋友都會坐得非常舒適；同時跑味十足亦適合玩車既車迷。

香港山路多，R.S. Trophy係山路上就非常合適！尤其係大帽山上，sport mode轉向迅速準確，新引擎及Turbo馬力充沛，兩位賽車手都認為該車適合山路，能帶比司機無窮樂趣。多媒體系統記錄左既數據仲可儲存到USB，助你改善駕駛技術！

今次Clio R.S. Trophy更配備Carbon Akrapovic排氣系統，給予引擎獨特聲線、性能超卓。0-100kph只需6.6秒、400米內便能達到極速235kph！性能遠超同級車系。

如果你對悠閒駕駛更有興趣，新既GT-line絕對係不二之選。新設計鬼面罩與車尾裙腳特顯Clio優美線條。頂級版更加入C型LED日行燈，充滿品牌標誌性。

兩款新車於下星期開始便正式出售！R.S. Trophy售價為$318,800起；GT-Line售價為$188,800起。

圖片來源：Marco Tam, hkcartrader

想關注更多關於車既消息留意住 News & Reviews!

想睇更多關於車既嘢？立即讚好我地 Facebook Page 同 follow 我地既 Instagram